ટોપ-20 ગ્લોબલ ઇક્વિટી ઇન્ડેક્સમાં નિફ્ટી સૌથી મોંઘો

68808237

આશુતોષ શ્યામ

ઇટી ઇન્ટેલિજન્સ ગ્રૂપ

કેટલાક મહિનાઓથી ભારતીય માર્કેટ તેના હરીફ ઊભરતાં બજારો કરતાં ઘણું મોંઘું રહ્યું છે, જે ભારતીય સ્ટોક્સમાં થિયોરેટિકલ વૃદ્ધિ મર્યાદિત હોવાના પુરાવા સમાન છે. ફેડરલ રિઝર્વે વ્યાજદર ઘટાડવા તરફી વલણ અપનાવતા ડોલરનો પ્રવાહ ભારતના ઇક્વિટીઝ માર્કેટમાં વળ્યો હતો અને માર્ચ ક્વાર્ટરમાં ઇક્વિટીમાં છેલ્લાં બે વર્ષનું સૌથી ઊંચું ત્રિમાસિક વળતર મળ્યું હતું.

ભારતીય ઇક્વિટી માર્કેટનું વિસ્તરણ ઘણું ધીમું રહ્યું હતું. MSCI EM ઇન્ડેક્સની સરખામણીએ નિફ્ટી 50નું વેલ્યુએશન પ્રીમિયમ સપ્ટેમ્બર 2018માં 70 ટકાની 15 વર્ષની ટોચથી ઘટીને 47 ટકા થયું ગયું હતું એમ ઇટી ઇન્ટેલિજન્સ ગ્રૂપ દ્વારા બ્લૂમબર્ગના સંકલિત કરવામાં આવેલા ડેટા પરથી જાણવા મળે છે. MSCI EM ઇન્ડેક્સનું લોંગ-ટર્મ એવરેજ વેલ્યુએશન પ્રીમિયમ 33 ટકા રહ્યું હતું. વર્ષના પ્રારંભથી MSCI EM ઇન્ડેક્સ કરતાં નિફ્ટી 50એ પાંચ ટકા અંડરપર્ફોર્મન્સ આપ્યા બાદ નિફ્ટી 50નું રિલેટિવ વેલ્યુએશન હળવું થયું હતું.

જોકે, એબ્સોલ્યુટ સ્તરે ભારતીય ઇક્વિટીના વેલ્યુએશનમાં વૃદ્ધિ જળવાઈ રહી હતી. નિફ્ટી તેની અંદાજિત 12 મહિનાની અર્નિંગ્સના 18.7 ગણાએ ટ્રેડ થઈ રહ્યો છે, જે માર્કેટ કેપિટલાઇઝેશનની રીતે ટોચના 20 ઇક્વિટી ઇન્ડેક્સમાં સૌથી મોંઘું લેવલ દર્શાવે છે. નિફ્ટી તેની લોંગ-ટર્મ એવરેજના 17.7 ટકા પ્રીમિયમે ટ્રેડ થઈ રહ્યો છે. નિફ્ટી 50માં 15 કંપની બેન્ચમાર્કના પ્રીમિયમ લેવલે ટ્રેડ થઈ રહી છે. સૌથી પ્રીમિયમ વેલ્યુએશન ધરાવતી નિફ્ટી-50 કંપનીઓમાં ટાઇટન, એશિયન પેઇન્ટ્સ, બ્રિટાનિયા, HUL અને બજાજ ફાઇનાન્સનો સમાવેશ થાય છે.

પ્રાઇસ-ટુ-બૂક વેલ્યૂના સંદર્ભમાં, નિફ્ટી દસ વર્ષની 2.40ની સરેરાશની સામે 2.66 ગણાએ ટ્રેડ થઈ રહ્યો છે. EV/EBITDAના સંદર્ભમાં, તે 10.37 ગણાએ ટ્રેડ થઈ રહ્યો છે, જે લોંગ-ટર્મ સરેરાશના 7.3 ટકા પ્રીમિયમે છે. માર્કેટ-કેપ ટુ GDP રેશિયો (લોંગ-ટર્મ રોકાણકારો દ્વારા ઉપયોગમાં લેવાતો રેશિયો) 83 ટકા હતો, જ્યારે 10 વર્ષની સરેરાશ 79 ટકા છે. માર્કેટ-કેપ ટુ GDP રેશિયો 2007ના તેજીના તબક્કામાં 146 ટકાની ટોચ પર હતો.

from Page Array – I Am Gujarat http://bit.ly/2UygJQc