નિફ્ટી 25 એપ્રિલ પહેલાં 12,000 માટે સજ્જ

68916086

રામ સહેગલ

મુંબઈ: નિફ્ટી 25 એપ્રિલે હાલની એફ એન્ડ ઓ સિરીઝની એક્સ્પાયરી સુધીમાં 12,000ના મનોસંવેદી આંકને સ્પર્શ કરવા સજ્જ છે એવા ઓપ્શનના ડેટામાંથી સંકેત મળે છે. નિફ્ટી મંગળવારે 11,787.15ના વિક્રમ ઊંચા સ્તરે બંધ આવ્યો હતો અને 12,000ની સપાટી હાંસલ કરવા માટે માત્ર 1.8 ટકા દૂર છે. વિદેશી ફંડ્સના મજબૂત નાણાપ્રવાહથી બજારને વેગ મળ્યો છે.

ઇન્ડેક્સ ઓપ્શન ટ્રેડર્સે નિફ્ટીમાં 11,800ના સ્ટ્રાઇક પ્રાઇસના પુટનું મોટા પાયે વેચાણ કર્યું છે, જે લગભગ એટ-ધ મની છે. નિફ્ટીમાં 11,700ના સ્ટ્રાઇક પ્રાઇસના પુટનું પણ નોંધપાત્ર વેચાણ થયું છે. તેથી જો નિફ્ટીમાં 11,800ના માર્ગ મોકળો થાય તો તે મજબૂત સપોર્ટ બની શકે છે. આ જંગી પુટ રાઇટિંગથી નિફ્ટી ઓપ્શનનો ઓપન ઇન્ટરેસ્ટનો પુટ-કોલ રેશિયો મંગળવારે વધીને 1.43 થયો હતો, જે અગાઉના દિવસે 1.29 હતો. આ તમામ ઓપ્શન કોન્ટ્રાક્ટ 25 એપ્રિલે એક્સ્પાયર થશે અને આ ડેટા પ્રોવિઝશન છે.

કોલ ઓપ્શનના ડેટા મુજબ નિફ્ટીમાં 11,800 પ્રથમ અવરોધ છે અને 12,000 બીજો અવરોધ છે. નિફ્ટીમાં પુટ ઓપ્શનનું વેચાણ ટૂંકા ગાળામાં મજબૂત બુલિશ સેન્ટિમેન્ટ હોવાનો સંકેત આપે છે. શેરખાન બાય બીએનપી પારિબાના રોહિત શ્રીવાસ્તવ અને એક્સિસ સિક્યોરિટીઝના રાજેશ પલ્વિયા જેવા માર્કેટ એનાલિસ્ટ્સ માને છે કે બજારમાં ઘટાડો થશે તો મોટા પાયે ખરીદી થશે અને તેનાથી નિફ્ટી આગામી ગુરુવારે એક્સપાયરી સુધીમાં અથવા તે પહેલાં 12,000ના સ્તરને સ્પર્શ કરી શકે છે.

એફઆઇઆઇ એડ્વાઇઝરી કંપની ડેલ્ટન કેપિટલ એડ્વાઇઝરીના ડિરેક્ટર યુ આર ભાટે જણાવ્યું હતું કે, “જંગી પ્રમાણમાં વિદેશી નાણાપ્રવાહથી બજારને વેગ મળ્યો છે, જે ટૂંકા ગાળામાં નિત-નવાં શિખર હાંસલ કરી શકે છે.” રિલાયન્સ ઇન્ડસ્ટ્રીઝ, આઇસીઆઇસીઆઇ અને એક્સિસ બેન્ક જેવા શેરો આ તેજીની આગેવાની લે તેવી ધારણા છે, એમ પલ્વિયાએ જણાવ્યું હતું.

એનએસઇના ડેટા મુજબ વિદેશી પોર્ટફોલિયો રોકાણકારો અથવા એફપીઆઇએ ચાલુ કેલેન્ડર વર્ષમાં 15 એપ્રિલ સુધીમાં શેરબજારમાં ₹39,731 કરોડની ખરીદી કરી છે. આની સામે મ્યુચ્યુઅલ ફંડ્સનું રોકાણ ₹309 કરોડ રહ્યું છે.

એફઆઇઆઇએ નિફ્ટી અને બેન્ક નિફ્ટીમાં ઇન્ડેક્સ ફ્યુચર્સમાં નેટ લોંગ પોઝિશન લીધી છે. જોકે એચએનઆઇ અને ડીઆઇઆઇ જેવી ઘરેલુ ખેલાડીઓએ નેટ શોર્ટ પોઝિશન લીધી છે. એનએસઇના ડેટા મુજબ 15 એપ્રિલ સુધીમાં એફઆઇઆઇના કુલ નેટ લોંગ ઇન્ડેક્સ ફ્યુચર્સની સંખ્યા 57,299 કોન્ટ્રાક્ટ હતા. એચએનઆઇએ 13,974 કોન્ટ્રાક્ટની નેટ શોર્ટ પોઝિશન લીધી છે અને ડીઆઇઆઇએ 29,499 કોન્ટ્રાક્ટની નેટ શોર્ટ પોઝિશન લીધી છે.

from I Am Gujarat http://bit.ly/2v5EZtQ