દીકરીની મા બની ‘હેટ સ્ટોરી 2’ની એક્ટ્રેસ સુરવીન ચાવલા, અંગ્રેજી શબ્દ પરથી રાખ્યું નામ

દીકરની માતા બની સુરવીન ચાવલા

હેટ સ્ટોરી 2ની એક્ટ્રેસ સુરવીન ચાવલાના ઘરે પારણું બંધાયું છે. એક્ટ્રેસે એક દીકરીને જન્મ આપ્યો છે. સુરવીને દીકરીનું નામ ઈવા રાખ્યું છે. સુરવીન આ પહેલા પણ પ્રેગ્નેન્સી દરમિયાન સોશિયલ મીડિયા પર પોતાના બેબી બમ્પ સાથેના ફોટો શેર કરતી હતી. જે તેના ફેન્સને પણ ખાસ પસંદ આવ્યા હતા.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો 

સુરવીન ચાવલાએ શું કહ્યું?

બોમ્બે ટાઈમ્સ સાથે વાતચીત કરતાં સુરવીન ચાવલાએ દીકરીને જન્મ આપ્યો હોવાની વાતને પુષ્ટિ આપી છે. સુરવીન ચાવલાએ બોમ્બે ટાઈમ્સ સાથે વાત કરતાં કહ્યું કે, ‘અત્યારે હું કેવું અનુભવી રહી છું, તેને હું શબ્દોમાં વર્ણવી શકતી નથી’.

‘પરિવાર પર ભગવાનની કૃપા છે’

સુરવીને કહ્યું કે, ‘મારા માટે આ અલગ અનુભૂતિ છે. મને લાગે છે કે અમારા પરિવાર પર ભગવાનની કૃપા છે’. માર્ચ મહિનામાં સુરવીનની ગોદભરાઈ થઈ હતી. જેના ફોટો એક્ટ્રેસે સોશિયલ મીડિયા પર શેર કર્યા હતા. આ ફોટોમાં સુરવીન ગોલ્ડન કલરની સાડીમાં બેબી બમ્પ ફ્લોન્ટ કરતી જોવા મળી હતી.

આવો છે ઈવાનો અર્થ

સુરવીને કહ્યું કે, તેણે દીકરીનું નામ ઈવા રાખ્યું છે. ઈવા એક અંગ્રેજી શબ્દ છે. જેનો મતલબ થાય છે ‘જીવનની માતા’. સુરવીન ચાવલાએ 2015માં બિઝનસમેન અક્ષય ઠક્કર સાથે લગ્ન કર્યા હતા.

2015માં સુરવીને કર્યા લગ્ન

સુરવીને પોતાના લગ્નની વાત બધાથી છુપાવીને રાખી હતી. જે બાદ 2017માં સોશિયલ મીડિયા પર એક પોસ્ટ મુકીને તેણે વાતને જાહેર કરી હતી. સુરવીને પોતે પ્રેગ્નેન્ટ હોવાની જાહેરાત ગયા વર્ષે કરી હતી. તે બેબી બમ્પ સાથે અવોર્ડ ફંક્શનમાં પણ જોવા મળી હતી.

‘કસૌટી ઝિંદગી કી’થી કરી કરિયરની શરુઆત

સુરવીન ચાવલાએ પોતાના કરિયરની શરૂઆત એક્તા કપૂરની સીરિયલ ‘કસૌટી ઝિંદગી કી’થી કરી હતી. આ સીરિયલમાં એક્ટ્રેસે પ્રેરણા અને મિસ્ટર બજાજની નાની છોકરીનો રોલ કર્યો હતો.

from Entertainment News in Gujarati: Latest Entertainment News, Read Breaking Entertainment News – Page Array – I Am Gujarat http://bit.ly/2IBwkrZ