બ્રેન ડેડ મહિલાએ આપ્યો બાળકને જન્મ
પોર્ટુગલમાં ગુરુવારે 26 વર્ષીય એથલિટ મહિલાએ એક સ્વસ્થ બાળકને જન્મ આપ્યો. બાળકના જન્મના થોડા જ સમયમાં મહિલાનું મોત થયું. મહત્વની વાત એ છે કે આ મહિલા ડિસેમ્બર મહિનાથી કોમામાં હતી. કેથરીના સેકેરા નામની મહિલા બ્રેન ડેડ હોવાને લીધે હોસ્પિટલમાં દાખલ હતી. ઈન્ટરનેશનલ લેવલ પર રમી ચૂકેલી કેથરીનાને ડિસેમ્બરમાં અસ્થમાનો અટેક આવ્યો હતો ત્યારે તેને હોસ્પિટલ લવાઈ હતી. ડોક્ટર્સે તેને બ્રેન ડેડ જાહેર કરી હતી. તેમ છતાં મા પોતાના બાળક માટે જીવતી હતી.
હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો
હવે સ્વસ્થ છે બાળક
ડિસેમ્બરમાં કેથરીનાને અસ્થમાનો અટેક આવ્યો હતો ત્યારે તેની પ્રેગ્નેન્સીને 19 અઠવાડિયા થયા હતા. 32 અઠવાડિયા સુધી પ્રેગ્નેન્ટ રહ્યા બાદ બાળકનો જન્મ થયો. બાળકનું નામ સ્લવાડોર રાખવામાં આવ્યું છે અને તેનું વજન 1.7 કિલોગ્રામ છે. બાળકને આગામી 3 અઠવાડિયા સુધી હોસ્પિટલમાં જ રાખવામાં આવશે.
બાળક માટે શ્વાસ લેતી હતી માતા
કેથરીનાને 56 દિવસ સુધી વેન્ટિલેટર પર રાખવામાં આવી જેથી તેના ગર્ભમાં રહેલું બાળક જીવતું રહે. ડોક્ટર્સે જણાવ્યું કે, તેઓ ડિલિવરી માટે શુક્રવાર સુધી રાહ જોવાના હતા કારણકે આ દિવસે ગર્ભાવસ્થાના 32 અઠવાડિયા પૂરા થવાના હતા. પરંતુ કેથરીનાની બગડતી તબિયતને જોતાં ગુરુવારે જ ડિલિવરી કરાવી દીધી. કેથરીનાનો પતિ બ્રૂનો અને પરિવાર ઈચ્છતો હતો કે બાળક જીવતું રહે. રિપોર્ટ મુજબ, કેથરીનાની માતા ડે ફેટિમાએ કહ્યું કે, તેમણે 26 ડિસેમ્બરે જ દીકરીને અલવિદા કહી દીધું હતું. હોસ્પિટલના સત્તાધીશોએ જણાવ્યું, “માતાએ ગર્ભમાં ઉછરી રહેલા બાળકને જીવતું રાખવા માટે પોતાને દાન કરી દીધી. માતાના આ નિર્ણયને કોઈ પડકારી ન શકે.”
આવું પહેલીવાર નથી થયું
પોર્ટુગલમાં આવો કિસ્સો બીજીવાર સામે આવ્યો છે. અગાઉ પણ એક બ્રેન ડેડ મહિલાએ બાળકને જન્મ આપ્યો હતો. જણાવી દઈએ કે, કેથરીના બાળપણથી જ અસ્થનાથી પીડાતી હતી. તે જાણીતી ઈન્ટરનેશનલ કેનાઈસ્ટ (નાવિક ખેલાડી) રહી. તેણે ઘણી વખત પોતાના દેશનું પ્રતિનિધિત્વ કર્યું છે.
from Page Array – I Am Gujarat https://ift.tt/2Ia8VwL
No comments:
Post a Comment