ચેનલ પેક સિલેક્ટ કરવાની ડેડલાઈન ખતમ
નવી દિલ્હીઃ ટેલિકોમ રેગ્યુલેટરી ઓથોરિટી ઓફ ઈન્ડિયા (ટ્રાઈ)એ બધા કેબલ અને ડીટીએચ ઓપરેટર્સ માટે નવા નિયમો જારી રહ્યા હતા. જે મુજબ બધા ગ્રાહકોએ તેમનું ટેલિવિઝન સબ્સક્રિપ્શન પેકનું પસંદ કરવા સાથે ગ્રાહકો જોવે તે જ ચેનલ્સ જોવાના પૈસા આપવા ચૂકવવા કહેવાયું છે. પહેલાની જેમ હવે કંપનીઓ સબસ્ક્રાઈબર્સનું પેક નક્કી નહીં કરે આથી નવા નિયમો લાગૂ કરાયા છે. આ માટે 31 માર્ચ સુધીની ડેડલાઈન રાખવામાં આવી હતી અને અત્યાર સુધીમાં પોતાનું પેક ડિઝાઈન ન કરનારા માટે ‘બેસ્ટ ફિટ પ્લાન’ આવી ગયો છે.
પ્લાન સિલેક્ટ ન કરનાર ગ્રાહકોને મળશે ઓપ્શન
ટ્રાઈના નવા નિયમ 1લી ફેબ્રુઆરીથી આવ્યો હતો, જે બાદ ગ્રાહકોને પોતાની પસંદનું પેક તૈયાર કરવા અને ચેનલો પસંદ કરવા 31 માર્ચ સુધીનો સમય અપાયો હતો. હવે આ ડેડલાઈન ખતમ થઈ ગઈ છે. એવામાં જેમણે કોઈ પૈક તૈયાર નથી કર્યું તેવા ગ્રાહકોને ‘બેસ્ટ ફિટ પ્લાન’ પર મૂવ કરી દેવામાં આવશે. ટ્રાઈએ પાછલા એક મહિનામાં ડીટીએચ અને કેબલ યુઝર્સને ઓફિશિયલ વેબસાઈટ પર જઈને તેમની પસંદની ચેનલ પસંદ કરી પેક તૈયાર કરવા કહ્યું હતું. જેમાં યુઝર્સ 130 રૂપિયા નેટવર્ક કેપેસિટી ફી પર 100 ચેનલ્સ મેળવી શકે છે. તેના પર 18 ટકા જીએસટી સાથે 153 રૂપિયા થાય છે.
ગ્રાહકને મળશે 100 ફ્રી ચેનલ્સ
પસંદ કરવા માટે ઉપલબ્ધ 100 ચેનલ્સમાંથી યુઝર્સને ફ્રી 25 દૂરદર્શન ચેનલ્સ મળી રહી હતી, જેને પેકમાંથી હટાવવાનો નહોતી. યુઝર્સ પેઈડ ચેનલ્સ અથવા ચેનલ પેક્સ એડ કરવા માટે 153 રૂપિયાની ઉપરના બીજા પૈસા આપવા પડશે. બધા કેબલ અને ડીટીએચ કંપનીઓની વેબસાઈટ પર ચેનલ્સનું લિસ્ટ અને તેની પ્રાઈઝ આપવા કહેવાયું છે.
ટ્રાઈએ કંપનીને આપ્યો આદેશ
ટ્રાઈએ કહ્યું કે જે ગ્રાહકોએ પોતાનું પેક પસંદ નથી કર્યું તેમના માટે ડીટીએચ અથવા કેબલ કંપનીઓ ‘બેસ્ટ ફિટ પ્લાન’ તૈયાર કરે અને લાગૂ કરે. આ પ્લાન તેવા ગ્રાહકોની ટીવી જોવાની આદત પર આધારિત હશે તેમાં એવી ચેનલ્સ હશે જે ગ્રાહક વધારે જોતો હોય. જો તમે પોતાનું પેક પસંદ નથી કર્યું તો તમારા એકાઉન્ટ પર આ પ્લાન એક્ટિવેટ થઈ ચૂક્યો છે. તમે ઓપરેટરની વેબસાઈટ પર લોગ-ઈન કરીને જોઈ શકો છો કે બેસ્ટ ફિટ પ્લાન એક્ટિવેટ છે કે નહીં. યુઝર્સને આ પ્લાનમાં ફેરફાર કરવાનો ઓપ્શન પર આપવામાં આવ્યો છે. આ પ્લાન તેવા લોકો માટે છે જેઓ પોતાનો પ્લાન પસંદ કરી શક્યા નથી.
from Page Array – I Am Gujarat https://ift.tt/2uBrQIC
No comments:
Post a Comment