બેંગલુરુ:એલ એન્ડ ટી દ્વારા માઇન્ડટ્રીનું સંભવિત ટેકઓવર કરવામાં આવે તે અગાઉ માઇન્ડટ્રીના બોર્ડે બુધવારે તેના શેરધારકોને ₹320 કરોડનું જંગી સ્પેશિયલ ડિવિડન્ડ ચૂકવવાની દરખાસ્ત કરી છે. ડિવિડન્ડ પાત્ર શેરધારકોમાં પ્રમોટર્સ પણ સામેલ છે. કંપનીએ કહ્યું કે આ પગલું કેપિટલ એલોકેશન પોલિસી મુજબ છે અને તેમાં કોર્પોરેટ ગવર્નન્સના નિયમોનો ભંગ થશે નહીં.
કંપનીએ ₹3 પ્રતિ શેરના વચગાળાના ડિવિડન્ડની જાહેરાત કરી છે જે 10 મે અગાઉ ચૂકવાશે. તે ₹4નું ફાઇનલ ડિવિડન્ડ અને ₹20નું સ્પેશિયલ ડિવિડન્ડ ચૂકવશે. આ દરખાસ્ત માટે એજીએમમાં મંજૂરી મેળવવી જરૂરી છે જે જૂન કે જુલાઈમાં મળશે. ત્યાં સુધીમાં લાર્સન એન્ડ ટુબ્રો આ કંપનીમાં નોંધપાત્ર હિસ્સો મેળવી શકે છે.
ગયા મહિને એલ એન્ડ ટીએ માઇન્ડટ્રીમાં કાફે કોફી ડેના માલિક વી જી સિદ્ધાર્થનો 20.32 ટકા હિસ્સો ખરીદ્યો હતો અને વધુ 15 ટકા હિસ્સો ઓપન માર્કેટમાંથી ખરીદવા ઓર્ડર મૂક્યો હતો. તેના કારણે ઓપન ઓફર ટ્રિગર થઈ હતી જે 14 મેથી 27 મે સુધી ચાલશે.
from I Am Gujarat http://bit.ly/2DmcBYK
No comments:
Post a Comment