મુંબઈઃ વેપાર સપ્તાહના પહેલા દિવસે શાનદાર તેજી સાથે શેર બજારમાં નવો મુકામ હાંસલ કર્યો છે. સોમવારે સેન્સેક્સ પહેલીવાર 39,000ના સ્તરને પાર કરી ગયો. મુંબઈ સ્ટોક એક્સ્ચેન્જના 30 શેરોવાળો સેન્સેક્સ 185.97 અંકોના વઘારા સાથે 38,858.88 પર ખુલ્યો તો નેશનલ સ્ટોક એક્સ્ચેન્જનું નિફ્ટી 41.3 અંકો સાથે 11,665.20 પર ખુલ્યું.
આર્થિક ગતિવિધિને વધારો આપવા માટે રિઝર્વ બેંક દ્વારા વ્યાજદોરમાં ઘટાડો કરવાના અનુમાનથી રોકાણકારો ઉત્સાહમાં છે. સકારાત્મક વિદેશી સંકેતો અને સ્થાનિક મુદ્રામાં આવેલી મજબૂતીથી બજારને સપોર્ટ મળ્યો અને જોરદાર ખરીદી જોવા મળી રહી છે. સવારે લગભગ 10:18 વાગ્યે 335 અંકોના ઉછાળા સાથે સેન્સેક્સ 39,000ના સ્તર પર પહોંચ્યો તો નિફ્ટી પણ રેકોર્ડ ઊંચાઈની નજીક પહોંચ્યો હતો. 9 ઓગસ્ટ 2018નો સેન્સેક્સ પહેલી વખત 38,000ને પાર ગયો હતો.
સેન્સેક્સ પર શરુઆતમાં ટાટા મોટર્સ, વેદાંતા લિમિટેડ, ટાટા સ્ટીલ, એલટી, આઈસીઆઈસીઆઈ બેંક, એમએડએમ, ભારતી એરટેલ, એચએલ ટેક, ઈન્ફોસિસ, હીરો મોટો કોર્પ, એસબાઈન, મારુચિ, ટીસીએસ, એશિયન પેન્ટ, હિન્દુસ્તાન યુનિલિવર, સન ફાર્મા, એચડીએફસી બેંક, એચડીએફસી, આઈટીસી, બજાર ઓટો અને રિલાયન્સના શેરોમાં તેજીનો માહોલ જોવા મળ્યો, જ્યારે એક્સિસ બેંક, પાવર ગ્રિડ, યસ બેંક, કોટક બેંક, ઈન્ડ્સઈન્ડ બેંક, એનટીપીસી, કોલ ઈન્ડિયા, ઓએનજીસીના શેર લાલ નિશાનમાં રહ્યા.
from Page Array – I Am Gujarat https://ift.tt/2YEBCrm
No comments:
Post a Comment