આ છે રૂપિયા 3 લાખથી પણ ઓછી કિંમતની ગાડીઓ, જાણો

જુઓ, 3 લાખથી ઓછી કિંમતની 3 નાની ગાડીઓ

મારૂતિ સુઝુકીએ હાલમાં નવી ઓલ્ટો લોન્ચ કરી છે. રૂપિયા 3 લાખથી ઓછી કિંમતની આ ગાડીની ટક્કરમાં રેનો ક્વિડ અને ડેટ્સન રેડી ગો જેવી ગાડીઓ છે. જાણો આ ત્રણેય ગાડીઓના ફીચર્સ વિશે.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

જાણો આ ગાડીઓના ડાયમેન્શન વિશે

મારૂતિ ઓલ્ટોની લંબાઈ 3445 mm, પહોળાઈ 1490 mm, વીલબેસ 2360 mm અને ઊંચાઈ 1475 mm છે. રેનો ક્વિડની લંબાઈ 3679 mm, પહોળાઈ 1579 mm, ઊંચાઈ 1478 mm અને વીલબેસ 2422 mm છે. જો ડેટ્સન રેડી ગોની વાત કરીએ તો તેની લંબાઈ 3429 mm, પહોળાઈ 1560 mm, ઊંચાઈ 1541 mm અને વીલબેસ 2348 mm છે.

પાવર

ઓલ્ટોમાં 796 સીસીનું પેટ્રોલ એન્જિન છે. ક્વિડમાં 799 સીસીનું એન્જિન છે. રેડી ગોમાં પણ 799 સીસીનું એન્જિન છે.

ફ્યૂલની ટાંકી

મારૂતિ ઓલ્ટોમાં 35 લીટર, રેનો ક્વિડમાં 28 લીટર અને ડેટ્સન રેડી ગોમાં 28 લીટરની કેપેસિટીની પેટ્રોલની ટાંકી છે.

માઈલેજ

મારૂતિ સુઝુકીનો એવો દાવો છે કે નવી બીએસ6વાળી ઓલ્ટો 22.05 કિલોમીટર પ્રતિલીટરની એવરેજ આપે છે. રેનો ક્વિડની માઈલેજ 25 કિલોમીટર પ્રતિલીટર અને ડેટ્સન રેડી ગોની માઈલેજ 22.7 કિલોમીટર પ્રતિલીટર છે તેવો દાવો કરવામાં આવ્યો છે.

સેફ્ટી

મારૂતિ ઓલ્ટોમાં ડ્રાઈવર સાઈડ એરબેગ, રિયર પાર્કિંગ સેન્સર્સ, સ્પીડ એલર્ટ સિસ્ટમ અને કો-ડ્રાઈવર સીટબેલ્ટ રિમાઈન્ડર જેવા ફીચર્સ સામેલ છે. રેનો ક્વિડમાં આ પ્રકારના સેફ્ટી ફીચર્સ આપવામાં આવ્યા છે. ડેટ્સન રેડી ગોમાં ઈબીડી સાથે એબીએસ સ્ટાન્ડર્ડ મળશે.

કિંમત

ઓલ્ટોની શરૂઆતની કિંમત 2,93,688 રૂપિયા, રેનો ક્વિડની શરૂઆતની કિંમત 2,71,500 રૂપિયા અને ડેટ્સન રેડી ગોની શરૂઆતની કિંમત 2,67,690 રૂપિયા છે. આ તમામ એક્સ શોરૂમની કિંમત છે.

from Automobile News in Gujarati, ઓટોમોબાઇલ ન્યૂઝ ગુજરાતીમાં, Latest Automobiles News – Page Array – I Am Gujarat http://bit.ly/2GIleh9