સેન્સેક્સમાં 490 પોઈન્ટ્સનો હાઈજમ્પ

69024514

મુંબઈ: મુંબઈ શેરબજારમાં નીચા મથાળે ફરી લેવાલી નીકળતાં BSE સેન્સેક્સમાં બુધવારે 490 પોઈન્ટ્સનો હાઈજમ્પ જોવા મળ્યો હતો. ઓઈલ-ગેસ, એનર્જી, ટેલિકોમ, FMCG, બેન્ક શેર્સમાં ભારે લેવાલીથી બજારમાં સુધારો જોવા મળ્યો હતો. કંપનીઓની નાણાકીય કામગીરી સારી રહેવાની આશા સાથે આજે શેરબજારમાં સાર્વત્રિક લેવાલી જોવા મળી હતી.

દિવસ દરમિયાન BSE સેન્સેક્સ ઉપરમાં 39,095.35 અને નીચામાં 38,571.00 પોઈન્ટ્સની રેન્જમાં અથડાયા બાદ 489.80 પોઈન્ટ્સ વધીને 39,054.68 પોઈન્ટ્સની સપાટીએ બંધ રહ્યો હતો જ્યારે નેશનલ સ્ટોક એક્સચેંજનો નિફ્ટી ઉપરમાં 11,740.85 અને નીચામાં 11,578.85 પોઈન્ટ્સની વચ્ચે ટ્રેડ થયા બાદ 150.20 પોઈન્ટ્સ વધીને 11726.15 પોઈન્ટ્સની સપાટીએ બંધ રહ્યા હતા.

BSE મિડકેપ અને BSE સ્મોલકેપ ઈન્ડેક્સ અનુક્રમે 0.44 ટકા અને 0.43 ટકા વધીને બંધ રહ્યા હતા. આજે ઓટો સિવાય તમામ સેક્ટોરલ ઈન્ડાઈસિસ ગ્રીન ઝોનમાં બંધ રહ્યા હતા.

આજે વધેલા મુધ્ય શેરોમાં HCL ટેકનો 3.45 ટકા, ઈન્ડસઈન્ડ બેન્ક 3.05 ટકા, ONGC 2.74 ટકા, ભારતી એરટેલ 2.62 ટકા, યસ બેન્ક 2.43 ટકા, HDFC 2.21 ટકાનો સમાવેશ થાય છે.

from Page Array – I Am Gujarat http://bit.ly/2GFrojq