ધોની વિહોણી ચેન્નઈનો હૈદરાબાદ સામે 6 વિકેટે પરાજય

ફરી ઝળક્યા વૉર્નર-બેરસ્ટો, હૈદરાબાદનો વિજય

જ્હોની બેરસ્ટોના અણનમ 61 અને ડેવિડ વૉર્નર (50)ની અર્ધસદીની મદદથી સનરાઈઝર્સ હૈદરાબાદે IPL12ની 33 મેચમાં મજબૂત ચેન્નઈ સુપરકિંગ્સને 6 વિકેટે હરાવી દીધું. ચેન્નઈના 133 રનના સરળ ટાર્ગેટને હૈદરાબાદે 16.5 ઓવરમાં 4 વિકેટ ગુમાવી આસાનીથી પાર કરી લીધો હતો.

આખી મેચમાં હાવી રહ્યું હૈદરાબાદ

133 રનના ટાર્ગેટનો પીછો કરવા ઉતરેલી SRHની શરૂઆત હંમેશાની જેમ શાનદાર રહી હતી. ઓપનર ડેવિડ વૉર્નરે 25 બોલમાં 50 અને જ્હોની બેરસ્ટોએ 44 બોલમાં અણનમ 61 રનની ઈનિંગ રમી હતી. બંનેએ પ્રથમ વિકેટ માટે 66 રનની પાર્ટનરશિપ નોંધાવી હતી. જોકે, બાદમાં 4 ઝડપી વિકેટો પડી હતી પણ ટાર્ગેટ ઓછો હોવાને કારણે વધારે મુશ્કેલી નડી નહોતી.

SRHના બોલર્સ સામે નબળા લાગ્યા CSKના બેટ્સમેન

અગાઉ ચેન્નઈ સુપરકિંગ્સે ટૉસ જીતી પ્રથમ બેટિંગ કરવાનો નિર્ણય લીધો હતો. ધોનીની ગેરહાજરીમાં સુરાશ રૈનાએ કેપ્ટનની જવાબદારી સંભાળી હતી. ચેન્નઈના ઓપનરે શરૂઆત શાનદાર કરી હતી અને 79 રનની પાર્ટનરશિપ નોંધાવી હતી. પણ વૉટસન (31) અને ફાફ ડુ પ્લેસિસને બાદ કરતા અન્ય કોઈ બેટ્સમેને ખાસ પ્રદર્શન કર્યું નહોતું. જ્યારે બીજી તરફ SRHના બોલરોએ છેલ્લી 10 ઓવરમાં શાનદાર બોલિંગ કરી નિયમિત અંતરે વિકેટો લેવાની સાથે રન પણ આપ્યા નહોતા. આના પરિણામે ચેન્નઈ 20 ઓવરના અંતે માત્ર 132 રનનો સામાન્ય સ્કોર નોંધાવી શકી હતી. હૈદરાબાદ માટે રાશિદ ખાને 4 ઓવરમાં માત્ર 17 રન આપી બે વિકેટો ઝડપી હતી.

from Cricket News in Gujarati, ક્રિકેટ સમાચાર, Cricket Updates – I Am Gujarat http://bit.ly/2Xm543Q