અક્ષય કુમારની લાઈફમાં છે 7, 12, 5, 40નું સિક્રેટ, પીએમ મોદી સમક્ષ કર્યો ખુલાસો

અક્ષયે કરેલો પીએમનો ઈન્ટરવ્યૂ ચર્ચામાં

પ્રધાનમંત્રી નરેંદ્ર મોદીનું ઈન્ટરવ્યૂ લીધા બાદ ચારેકોર અક્ષય કુમારની જ ચર્ચા થઈ રહી છે. પીએમ મોદીનો નોન-પોલિટિકલ ઈન્ટરવ્યૂ ટ્રેંડ કરી રહ્યો છે. પહેલીવાર કોઈ સેલિબ્રિટી કે એક્ટરે કરેલા સવાલો દ્વારા દેશની જનતાને પીએમની જિંદગીના અજાણ્યા કિસ્સા સાંભળવા મળ્યા. પીએમ મોદી સાથે વાતચીત દરમિયાન અક્ષય કુમારે પોતાના જીવનના અનુભવ પણ શેર કર્યા.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

અક્ષયે શેર કર્યું સિક્રેટ

અક્ષય કુમાર પોતાની ફિટનેસ માટે જાણીતો છે. ફિટનેસ અંગે પીએમ મોદીને સવાલ કરતી વખતે અક્ષયે પોતાના ડાયટ અંગેનું સિક્રેટ શેર કર્યું. અક્ષય કુમારે કહ્યું, “હું મારા જીવનમાં એક વસ્તુ ફોલો કરું છું. જેને 7, 12, 5 ઈનટુ 40. એટલે હું સવારે 7 વાગ્યે બ્રેકફાસ્ટ કરું છું, બપોરે 12 વાગ્યે જમું છું અને સાંજે 5 વાગ્યે ડિનર કરું છું. ઈનટુ 40 એટલે એક કોળિયો ભરું તેને 40 વાર ચાવું છું. આ વિશે મેં શાસ્ત્રોમાં વાંચ્યું છે.”

પીએમે પણ અક્ષયની વાતમાં હામી ભરી

પોતાનું સિક્રેટ શેર કર્યા પછી અક્ષયે પીએમનું પૂછ્યું કે શું તમે આ વાત સાથે સહમત છો? તો મોદીએ કહ્યું કે, તમે એકદમ સાચો માર્ગ પસંદ કર્યો છે. અક્ષય કુમાર અને પીએમ મોદી વચ્ચે 1 કલાક અને 9 મિનિટ સુધી વાતચીત ચાલી. જેમાં બંનેનો મજાકિયા અંદાજ પણ દેખાયો. પીએમ અને અક્ષયે એકબીજાને જોક પણ સંભળાવ્યા.

વાંચો, મોદીએ સંભળાવ્યો અમદાવાદીઓ પર જોક, ખડખડાટ હસી પડ્યો અક્ષય કુમાર

અક્ષયની ફિલ્મ પીએમે નથી જોઈ

જણાવી દઈએ કે, પીએમ મોદીનો ઈન્ટરવ્યૂ લેનાર અક્ષય કુમાર પહેલો એક્ટર છે. પીએમે ઈન્ટરવ્યૂમાં જણાવ્યું કે, તેઓ પહેલા ફિલ્મો જોતા હતા હવે નથી જોતા. પીએમ મોદીએ ખુલાસો કર્યો કે, તેમણે અક્ષય કુમારની ફિલ્મ ‘ટોયલેટ: એક પ્રેમકથા’ નથી જોઈ પરંતુ તેની પ્રશંસા સાંભળી છે.

from Page Array – I Am Gujarat http://bit.ly/2Pp08sj