નવી દિલ્હી:અમદાવાદ સહિત દેશનાં ટોચનાં નવ શહેરોમાં જાન્યુઆરીથી માર્ચ 2019માં ઓફિસ સ્પેસ સપ્લાય 46 ટકા વધ્યો હતો અને 1.34 કરોડ ચોરસ ફૂટ સ્પેસનો વધારો થયો હતો.
રિયલ એસ્ટેટ ડેવલપર્સના મતે કોમર્શિયલ વિસ્તારોની માંગ વધી રહી છે. સીબીઆરઇના સરવેના આંકડા અનુસાર આ નવ શહેરોમાં ગયા વર્ષે જાન્યુઆરી-માર્ચના ગાળામાં 92 લાખ ચોરસ ફૂટ કોમર્શિયલ સ્પેસનો વધારો થયો હતો. અમદાવાદ ઉપરાંત દિલ્હી-એનસીઆર, મુંબઈ, કોલકાતા, ચેન્નાઈ, બેંગલુરુ, હૈદરાબાદ, પૂણે અને કોચી શહેરનો તેમાં સમાવેશ છે. અમદાવાદમાં સપ્લાય વધીને 18 લાખ ચોરસ ફૂટ થયો હતો. ગયા વર્ષે આ ગાળામાં અમદાવાદમાં સપ્લાય શૂન્ય વધ્યો હતો.
હૈદરાબાદમાં સપ્લાયમાં સૌથી વધુ ઉછાળો આવ્યો હતો, જ્યાં સપ્લાય 52 લાખ ચોરસ ફૂટ વધ્યો હતો. ગયા વર્ષે આ ગાળામાં તેમાં સાત લાખ ચોરસ ફૂટનો જ વધારો થયો હતો. હૈદરાબાદમાં ઓફિસ સ્પેસની માંગ ખાસ્સી વધી ગઈ હતી અને તેણે પ્રથમવાર બેંગલુરુને આ મામલે પાછળ રાખી દીધું હતું. બેંગલુરુમાં 35 લાખ ચોરસ ફૂટ સ્પેસનો સપ્લાય વધ્યો હતો.
દિલ્હી-એનસીઆરમાં પ્રથમ ક્વાર્ટરમાં ઓફિસ સ્પેસ સપ્લાય 15 લાખ ચોરસ ફૂટ વધ્યો હતો. ગયા વર્ષે આ ગાળામાં ત્યાં સપ્લાય 12 લાખ ચોરસ ફૂટ વધ્યો હતો. ચેન્નાઈમાં પાંચ લાખ ચોરસ ફૂટ સપ્લાય વધ્યો હતો, જે ગયા વર્ષે બે લાખ ચોરસ ફૂટ વધ્યો હતો.
મુંબઈમાં આશ્ચર્યજનક રીતે સપ્લાયમાં 13 લાખ ચોરસ ફૂટનો ઘટાડો થયો હતો. ગયા વર્ષે આ ગાળામાં ત્યાં 18 લાખ ચોરસ ફૂટ સપ્લાય વધ્યો હતો. બેંગલુરુમાં પણ સપ્લાય ઘટીને 26 લાખ ચોરસ ફૂટ વધ્યો હતો, જે ગયા વર્ષે આ ગાળામાં 39 લાખ ચોરસ ફૂટ વધ્યો હતો. પૂણેમાં પણ સપ્લાય ઘટીને બે લાખ ચોરસ ફૂટ થયો હતો. કોલકાતામાં સપ્લાય ફ્લેટ રહ્યો હતો. ત્યાં ગયા વર્ષની જેમ આ વર્ષે પણ આ ગાળામાં બે લાખ ચોરસ ફૂટ સ્પેસ વધ્યો હતો.
from Page Array – I Am Gujarat http://bit.ly/2IxJh5I
No comments:
Post a Comment