અમદાવાદઃ સ્લમના બાળકો માટે ટ્રાફિક બૂથમાં ચાલતી ‘પોલીસની પાઠશાળા’

ગરીબ બાળકો માટે ‘પોલીસ પાઠશાળા’

અમદાવાદઃ વ્યક્તિના ઘડતરમાં શિક્ષણ સૌથી મહત્વપૂર્ણ ફાળો આપી શકે છે. એવું પણ કહેવાય છે કે શિક્ષણ વિનાનો વ્યક્તિ જીવતી લાશ સમાન છે. આ કારણે વ્યક્તિમાં ગુનાખોરીની વૃત્તિ જન્મે છે. એવામાં શિક્ષણ દ્વારા વ્યક્તિને ગુનાના માર્ગ તરફ વળતા રોકી શકાય છે. શહેર પોલીસે એક ભગીરથ કાર્ય શરૂ કરીને આ રીતે રસ્તા પર ભીખ માગતા અને ઝૂંપડપટ્ટીમાં રહેતા ગરીબ બાળકોને પાછલા એક વર્ષથી શિક્ષણ આપવાનું બેડું ઝડપ્યું છે.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

ટ્રાફિક બૂથમાં ભણાવે છે બાળકોને

શહેરના સૌથી વ્યસ્ત એવા પકવાન ચાર રસ્તા પાસે ટ્રાફિક પોલીસ દ્વારા ટ્રાફિક બુથની અંદર જ આવા ગરીબ અને રસ્તા પર ભીખ માગતા બાળકોને શિક્ષણ આપવાનું કાર્ય કરાય છે. લગભગ પાછલા એક વર્ષથી સવારે 10થી સાંજે 4 વાગ્યા સુધી ચાલતી આ ‘પોલીસ પાઠશાળા’ના કારણે ઘણા ગરીબ બાળકો શિક્ષણ મેળવવાનું સૌભાગ્ય પ્રાપ્ત થયું છે.

ભીખ માગતા બંધ થયા બાળકો

એક વર્ષથી ચાલતી પોલીસ પાઠશાળા અમદાવાદ.

જેમાં અમદાવાદ શહેર પોલીસ ટ્રાફિક બુથમાં ભીખ માંગતા તથા ઝૂંપડપટ્ટી વિસ્તારના શાળાએ ના જઈ શકતા બાળકોને ભણાવવા માટે અભિયાન શરૂ કરી પોલીસ પ્રજાની મિત્ર એ ઉક્તિને સાર્થક કરી બતાવી છે.#HumanitarianWork #GujaratPolice pic.twitter.com/Gl4ei4I7OL

— Gujarat Police (@GujaratPolice) March 31, 2019

પોલીસના આ ભગીરથ કાર્યના કારણે આસપાસના ગરીબ બાળકોએ ભીખ માગવાનું કામ છોડીને ભણવા પ્રત્યે પ્રેરિત થયા છે. પોલીસનું નામ સાંભળતા જ બાળક હોય કે મોટા કોઈપણ વ્યક્તિ ડરી જાય, પરંતુ અહીં પોલીસ દ્વારા બાળકો સાથે ભળીને તેમને ભણાવતા જોઈ હકીકતમાં પોલીસે તેઓ પ્રજાના મિત્ર છે તે ઉક્તિ સાર્થક કરી બતાવી છે. પોલીસના આ કાર્યથી અનેક ગરીબ બાળકો ભીખ માગવા કે ગુનાખોરીના ધંધા તરફ વળતા અટકશે.

from Page Array – I Am Gujarat https://ift.tt/2THmYfa