અછબડાના કારણે ડાઘ પડી ગયા છે?
ઓરી અને અછબડા જેવી બીમારી વાયરસના કારણે ફેલાય છે. અછબડાના કારણે શરીર પર લાલ ફોલ્લાં પડી જાય છે, સાથે જ તાવ પણ આવે છે. અછબડાના દર્દીને પીડા પણ વધારે થાય છે. અછબડા અને ઓરીનો અક્સીર ઈલાજ આજ સુધી શોધાયો નથી પરંતુ આ માટે રસી જરૂરથી આપવામાં આવે છે. જો સમયસર બાળકોને રસી આપવામાં આવે તો અછબડા નીકળવાની શક્યતાઓ ઓછી થઈ જાય છે. અછબડા બેસી જાય પછી ઘણીવાર શરીર પર તેના ડાઘ રહી જતાં હોય છે. આ ડાઘા ચહેરા પર હોય તો તે ખરાબ લાગે છે. આ ડાઘે દૂર કરવા માટે ઘરેલું ઉપચાર કરો.
લીંબૂ
ઓરી-અછબડાના કારણે શરીર પર થયેલા દાણા જેવા ફોલ્લાને દૂર કરવા માટે લીંબૂ અસરકારક છે. શરીર પર જ્યાં ડાઘ પડ્યા હોય તેના પર લીંબૂ ઘસો અને બાદમાં તે ભાગને ઘોઈ લો. ઘીમે-ધીમે ડાઘ જતા રહેશે.
મધ
મધ દ્વારા પણ અછબડાંના કારણે પડેલા ડાઘને હટાવી શકાય છે. એટલે જ મધને ડાઘ પર લગાવો અને થોડા સમય બાદ પાણીથી ધોઈ લો. રોજ દિવસમાં 2-3 વખત મધ લગાવવાથી ડાઘ દૂર થશે.
લસણ
અછબડાના કારણે પડેલા ડાઘને દૂર કરવા માટે લસણની કેટલીક કળીઓને ક્રશ કરીને તેનો રસ કાઢી લો. આ રસને દિવસમાં 2-3 વાર ડાઘ પર લગાવો. લસણના રસથી ડાઘ ધીમે-ધીમે આછા થઈ દૂર થઈ જશે.
ટામેટાં
શરીર પર અછબડાના કારણે પડેલા ડાઘને દૂર કરવા માટે તમે ટામેટાંનો ઉપયોગ પણ કરી શકો છો. ટામેટાંને છીણી લો અને તેને ડાઘ પર લગાવી સુકાવા દો. 15 દિવસ સુધી રોજ આ ટામેટાંનો પ્લપ લગાવવાથી ડાઘ જતા રહેશે.
પપૈયું
એક કપ પપૈયામાં પાંચ ચમચી ખાંડ અને પાંચ ચમચી દૂધ નાંખી તેને મિક્સર જારમાં ક્રશ કરી પેસ્ટ બનાવી લો. આ પેસ્ટને ડાઘ પર લગાવીને રહેવા દો. પેસ્ટ સુકાય એટલે પાણીથી સાફ કરી લો. આમ કરવાથી ડાઘ ઠીક થઈ જશે.
ચંદન
ચંદનથી પણ સરળતાથી અછબડાના ડાઘ હટાવી શકો છો. આ માટે ચંદનના પાઉડરમાં ઓલિવ ઓઈલ મિક્સ કરી તેની પેસ્ટ બનાવી લો. પેસ્ટને ડાઘ પર લગાવી સુકાવા દો. ત્યારબાદ તેને પાણીથી ધોઈ નાંખો. રોજ ચંદનની પેસ્ટ લગાવશો તો ટૂંક સમયમાં જ પરિણામ મળશે.
નારિયેળ તેલ
અછબડાના ડાઘને ઝડપથી દૂર કરવામાં નારિયેળનું તેલ મદદ કરે છે. નારિયેળના તેલને ડાઘ પર લગાવીને મસાજ કરો. રોજ 4-5 વાર આ તેલથી મસાજ કરવાથી ડાઘ ઠીક થઈ જશે.
અલોવેરા
અલોવેરા જેલને ડાઘ પર લગાવી મસાજ કરો. રોજ આમ કરવાથી ડાઘના નિશાન સાફ થઈ જશે. જેલ ન હોય તો તમે માત્ર એલોવેરા પણ લગાવી શકો છો.
from Page Array – I Am Gujarat http://bit.ly/2VyELqy
No comments:
Post a Comment