તેંદુલકરને ગળે લગાડવા ઈચ્છે છે આ પાકિસ્તાની બેટ્સમેન

સ્થાનિક ક્રિકેટમાં શાનદાર પ્રદર્શન

પાકિસ્તાનનો એક 31 વર્ષનો બેટ્સમેન સ્થાનિક ક્રિકેટમાં શાનદાર પ્રદર્શન કરીને ગત મહિને દુબઈમાં ઓસ્ટ્રેલિયા સામે શતક ફટકાર્યા પછી તે વિશ્વ કપ માટે રાષ્ટ્રીય ટીમમાં જગ્યા બનાવવામાં સફળ રહ્યો છે. પાકિસ્તાનની વિશ્વ કપ ટીમમાં પસંદ કરાયેલા બેટ્સમેન આબિદ અલી આ ટૂર્નામેન્ટ પહેલા સચિન તેંદુલકરની સલાહ લેવા ઈચ્છે છે અને તેણે કહ્યું કે તે આ ભારતીયને ગળે લગાવવા ઈચ્છે છે.

તેંદુલકરને મળવાની અદમ્ય ઈચ્છા

આબિદે પત્રકારોને કહ્યું કે,’મારી સચિન તેંદુલકરને મળવાની ખૂબ જ ઈચ્છા છે. નિશ્ચિત રીતે હું તેને ગળે લગાડવા ઈચ્છું છું. મને વિશ્વાસ છે કે જે રીતે દરેક મહાન ખેલાડીઓ યુવાઓને મળે છે. તેઓ મને નિરાશ નહીં કરે.’ તેણે કહ્યું કે,’મને વિશ્વાસ છે કે જો હું સચિન પાસેથી ક્રિકેટ અંગે કોઈ સલાહ લેવા ઈચ્છું તો તે સકારાત્મક જવાબ આપશે.’

સચિન ઉપરાંત દરેક મહાન બેટ્સમેનને મળવાની ઈચ્છા

આબિદે કહ્યું કે પોતાના આદર્શ ખેલાડી તેંદુલકર સાથેની મુલાકાત તેના માટે યાદગાર રહેશે. તેણે કહ્યું કે,’એ દિવસ મારી જિંદગીનો સૌથી સારો દિવસ હશે. જ્યારે હું તેને (તેંદુલકર)ને મળીશ. કારણકે તે દુનિયાના સર્વશ્રેષ્ઠ બેટ્સમેનમાંથી એક છે. વેસ્ટ ઈન્ડીઝના વિવ રિચર્ડ્સ પણ મહાન બેટ્સમેન છે અને દરેક મહાન ખેલાડીઓને મળવા ઈચ્છું છું.’

from Cricket News in Gujarati, ક્રિકેટ સમાચાર, Cricket Updates – Page Array – I Am Gujarat http://bit.ly/2IzPFte