ક્રૂડના ભાવ વધારાથી શેરબજારની તેજી પર બ્રેક

68988484

મુંબઈ: ક્રૂડના આંતરરાષ્ટ્રીય ભાવમાં થયેલી વૃદ્ધિએ ભારતીય શેરબજારની તેજી પર આજે બ્રેક મારી હતી. ક્રૂડના ભાવ વધારાથી આયાત બિલ વધવાની આશંકાથી રૂપિયા પર પણ દબાણ જોવા મળ્યું હતું. ડોલર સામે રૂપિયો 0.75 ટકા ઘટીને 69.88 થયો હતો. ક્રૂડના ભાવ બેરલદીઠ 75થી 80 ડોલર સુધી વધવાની આશંકા સેવાઈ રહી છે.

બેન્ક શેરોમાં આજે માર્ચ પછીનો સૌથી મોટો ઘટાડો જોવા મળ્યો હતો. બજાર હાલમાં ઊંચા મથાળે હોવાથી પણ તેમાં કરેક્શનની શક્યતા હતી.

આજે બપોરે 1.30 વાગ્યે BSE સેન્સેક્સ 354.97 પોઈન્ટ્સ ઘટીને 38,785.31 પોઈન્ટ્સ જ્યારે નિફ્ટી 123.75 પોઈન્ટ્સના કડાકા સાથે 11,629.05 પોઈન્ટ્સની સપાટીએ ટ્રેડ થઈ રહ્યો હતો.

BSE મિડકેપ અને BSE સ્મોલકેપ ઈન્ડેક્સ અનુક્રમે 1.04 ટકા અને 1.02 ટકા ઘટીને ટ્રેડ થઈ રહ્યા હતા.

આજે બપોરે ઓઈલ-ગેસ, બેન્ક, રિયલ્ટી અને ઓટો શેરોમાં ધૂમ વેચવાલી જોવા મળી હતી.

અમેરિકાએ ઈરાનમાંથી ક્રૂડની આયાત બંધ થશે તેવી જાહેરાત કરતાં ક્રૂડના આંતરરાષ્ટ્રીય ભાવમાં 3 ટકાનો વધારો થયો હતો. ભારત અને ચીન ઈરાનના ક્રૂડના સૌથી મોટા ગ્રાહક છે અને તેથી તેમણે આ પ્રતિબંધો સામે વિરોધ કરીને લોબિઈંગ પણ કર્યું હતું. ક્રૂડના ભાવનો વધારો ભારતીય અર્થતંત્ર પર દબાણ સર્જી શકે છે.

from Page Array – I Am Gujarat http://bit.ly/2ZnINEx