બે આતંકીઓને ઠાર મારનારા ગુજરાતી સૈનિકનો ગામના લોકોએ વરઘોડો કાઢ્યો

છોટા ઉદેપુરના લિલેશ રાઠવાએ બતાવી બહાદુરી

વડોદરા: આર્મીમાં રાયફલમેન તરીકે ફરજ બજાવતા લિલેશ રાઠવાને એક સમયે ભણવા માટે રાત્રે ફેક્ટરીમાં મજૂરી કરવી પડતી હતી. છોટા ઉદેપુરના લેહવાંટ ગામના આ સૈનિકની મહેનત વર્ષો પછી રંગ લાવી છે. હાલમાં જ વતન પરત ફરેલા લિલેશનું છોટા ઉદેપુર રેલવે સ્ટેશન પર જોરદાર સ્વાગત કરવામાં આવ્યું હતું. તેને ઓળખતા પણ ન હોય તેવા સેંકડો લોકો તેને સત્કારવા રેલવે સ્ટેશન પહોંચ્યા હતા, અને રાઠવાએ બતાવેલી બહાદુરીની આખા શહેરમાં ચર્ચા હતી.

હવે સીધા Whatsapp પર મેળવો મહત્વના ન્યૂઝ, શરુ કરવા ક્લિક કરો

શૌર્યચક્રથી થયું સમ્માન

લિલેશ રાઠવાનું ગત મહિને જ રાષ્ટ્રપતિ રામનાથ કોવિંદે શૌર્યચક્રથી સમ્માન કર્યું હતું. લિલેશે નવેમ્બર 2017માં મણીપુરમાં મ્યાનમાર બોર્ડર પર બે આતંકવાદીઓને ઠાર માર્યા હતા. આસામ રાયફલની ચોથી બટાલિયનના 20 સૈનિકો જેમાં રાઠવા પણ સામેલ હતા, રોડ ક્લિયર કરી રહ્યા હતા ત્યારે તેમનો સામનો આતંકવાદીઓ સામે થયો હતો.

આ પણ વાંચો: ઓછા બજેટમાં સારામાં સારો ફોન ખરીદવો હોય તો આ સ્માર્ટફોન જ લેવાય

બે આતંકવાદીઓને ઠાર માર્યા

આતંકવાદીઓએ ફાયરિંગ શરુ કરી દેતા રાઠવાના બે સાથીઓ ઘવાયા હતા. આ જોઈ રાઠવાએ પોતાના સાથીની લાઈટ મશીનગન લઈ ફાયરિંગ શરુ કરી દીધું હતું. જેમાં બે આતંકવાદીઓ માર્યા હતા, અને બાકીના ભાગી ગયા હતા. આ બહાદુરી બતાવવા બદલ લિલેશ રાઠવાનું રાષ્ટ્રપતિ દ્વારા શૌર્યચક્ર દ્વારા સમ્માન કરવામાં આવ્યું હતું.

આખા ગામને લિલેશ પર ગર્વ

લિલેશ રાઠવાએ બતાવેલા આ પરાક્રમનું તેના ગામના લોકોને પણ ગર્વ છે. આર્મીમાં જનારા લિલેશ રાઠવા ગામના પહેલા યુવક છે. હવે તેમની પસંદગી બ્લેક કમાન્ડો ગ્રુપમાં થઈ છે જેની તેમણે ટ્રેનિંગ પણ લીધી છે. સાત મહિના ટ્રેનિંગ લીધા બાદ લિલેશ પોતાના વતન આવ્યા હતા. તેમણે માત્ર 18 વર્ષની વયે 2008માં આર્મી જોઈન કરી હતી.

from Page Array – I Am Gujarat http://bit.ly/2IHcOdg