પાંચ કલાક રાહ જોયા પછી પણ ન મળ્યા રાહુલ ગાંધી, પછી જે થયું તેની કલ્પના પણ કોઈએ નહતી કરી

રાહુલ ગાંધીએ આપી સરપ્રાઈઝઃ

કોંગ્રેસના પ્રમુખ રાહુલ ગાંધી કેરળમાં મતદાતાઓને આકર્ષવા માટે ઘણા પ્રયત્ન કરી રહ્યા છે અને આ કિસ્સો તેનો પુરાવો છે. રાહુલ ગાંધીનો ચાહક એક સાત વર્ષનો છોકરો પાંચ કલાક રાહ જોયા પછી પણ રાહુલ ગાંધીને મળી ન શકતા રડી પડ્યો હતો. આ છોકરાને સાંત્વના આપવા રાહુલ ગાંધીએ તેને પર્સનલી કૉલ કર્યો હતો.

પાંચ કલાક રાહ જોઈઃ

રાહુલ ગાંધીના નવા વાયનાડ ટ્વીટર એકાઉન્ટ પર નંદનની સ્ટોરી શેર કરવામાં આવી હતી. તેમાં જણાવ્યા મુજબ નંદન તેના ફેવરિટ નેતા રાહુલ ગાંધીને મળવા માટે પાંચ કલાક રાહ જોઈને ઊભો હતો. સિક્યોરિટીના કારણસર તેને રાહુલ ગાંધીને મળવાનો મોકો મળ્યો નહતો. રાહુલ ગાંધીનું પ્રવચન સવારે 9 વાગ્યે શરૂ થવાનું હતું.

સિક્યોરિટીના કારણસર એન્ટ્રી ન મળીઃ

સ્થાનિક મીડિયા રિપોર્ટ્સ અનુસાર રાહુલે પછીથી નંદનના પિતાને ફોન કરીને કહ્યું, “હેલ્લો, હું રાહુલ ગાંધી છું. શું હું એ છોકરા સાથે વાત કરી શકું?” છોકરાના પિતાએ શેર કરેલી ફેસબુક પોસ્ટ વાયરલ થઈ હતી. તેમાં તેમણે છોકરાની રાહુલ સાથએ મુલાકાત ન થઈ તે અંગે લખ્યું હતું. પોસ્ટમાં તેમણે લખ્યું કે નંદન તેના માતા-પિતા સાથે સવારે પાંચ વાગે ઓડિટોરિયમમાં પહોંચી ગયો હતો પરંતુ તેને હૉલમાં એન્ટ્રી નહતી મળી.

રાહુલ ગાંધીનો ચાહક છે આ છોકરોઃ

સાત વર્ષના બાળકે રાહુલ ગાંધીનો ફોટો તેના શર્ટ પર લગાવ્યો હતો અને સાથે તેણે તેના ‘મોસ્ટ ફેવરિટ વ્યક્તિ’ને લેટર પણ લખ્યો હતો અને આશા દર્શાવી હતી કે તે રાહુલ ગાંધીને કોઈક દિવસ મળી શકે.

from Page Array – I Am Gujarat http://bit.ly/2PhBZUi