‘સૂર્યવંશી’માં અક્ષય કુમાર સાથે જોવા મળશે આ હોટ એક્ટ્રેસ, રોહિત શેટ્ટીએ કર્યું કન્ફર્મ

‘સૂર્યવંશી’માં આ એક્ટ્રેસ થઈ કન્ફર્મ

છેલ્લા કેટલાક દિવસોથી રોહિત શેટ્ટીના ડાયરેક્શનમાં બની રહેલી ફિલ્મ ‘સૂર્યવંશી’ ચર્ચામાં છે. આ ફિલ્મના લીડ રોલમાં અક્ષય કુમાર છે પરંતુ અત્યારસુધી તે કન્ફર્મ નહોતું થયું કે તેની ઓપોઝિટમાં લીડ એક્ટ્રેસ કોણ હશે. જો કે હવે લીડ એક્ટ્રેસનું નામ કન્ફર્મ થઈ ગયું છે. અક્ષય કુમારની ઓપોઝિટમાં લાંબા સમય બાદ કેટરીના કેફ જોવા મળશે. ફિલ્મ પ્રોડ્યૂસર કરણ જોહરે સોશિયલ મીડિયા પર આ વાત પર મહોર મારી છે.

કરણ જોહરે કરી જાહેરાત

કરણ જોહરે એક ફોટો શેર કર્યો છે, જેમાં તેની સાથે અક્ષય કુમાર, કેટરીના કૈફ અને રોહિત શેટ્ટી છે. ફોટોમાં કેટરીના લાલ રંગના ફ્લોરલ ટોપ અને ડેનિમમાં જોવા મળી. કરણે આ ફોટો સાથે લખ્યું છે કે, ‘સૂર્યવંશી ગર્લ કેટરીનાનું સ્વાગત છે. ફિલ્મ 2020માં ઈદ પર રિલીઝ થશે’.

ફિલ્મ મળતા કેટરીના પણ ખુશ

તો અક્ષય કુમારે પણ આ વાતને કન્ફર્મ કરતાં ઈન્સ્ટાગ્રામ પર ફોટો શેર કર્યો છે, જેનાં કેપ્શનમાં તેણે લખ્યું છે કે, ‘અમારી પોલીસની દુનિયામાં તારુ સ્વાગત છે કેટરીના…અમારી સૂર્યવંશી ગર્લ’. તો કેટરીના પણ આ ફિલ્મ મળવાને લઈને ખુશ લાગી રહી છે. તેણે પણ આ ફોટો શેર કરી કેપ્શનમાં લખ્યું છે કે, ‘સૂર્યવંશીની ટીમ સાથે જોડાઈને ખૂબ જ ઉત્સાહીત છું. રોહિત શેટ્ટી અને ધર્મા પ્રોડક્શન સાથેની મારી આ પહેલી ફિલ્મ છે. લાંબા સમય બાદ અક્ષય સાથે કામ કરવા માટે રાહ જોઈ શકું તેમ નથી’.

10 વર્ષ બાદ ફિલ્મમાં કામ કરશે આ જોડી

થોડા દિવસ પહેલા જ ફિલ્મ માટે કેટરીનાને કાસ્ટ કરાઈ હોવાના સમાચાર સામે આવ્યા હતા. ત્યારે હવે કેટરીના ટૂંક સમયમાં જ ફિલ્મનું શૂટિંગ શરુ કરે તેવી શક્યતા છે. રોહિત શેટ્ટી આ પહેલા ‘સિંઘમ’, ‘સિંઘમ રિટર્ન’ અને ‘સિમ્બા’ જેવી સુપરડુપર હિટ ફિલ્મો આપી ચૂક્યા છે. અક્ષય છેલ્લે ફિલ્મ ‘કેસરી’માં અને કેટરીના ફિલ્મ ‘ઝીરો’માં જોવા મળી હતી. 10 વર્ષના બાદ અક્ષય અને કેટરીનાની જોડી સાથે કામ કરતી જોવા મળશે.

આ એક્ટ્રેસ પણ હતી રેસમાં

સૂર્યવંશીમાં લીડ રોલ માટે પહેલા પૂજા હેગડેનું નામ ચર્ચાતુ હતુ. પૂજા આ અગાઉ હૃતિક રોશન સાથે ‘મોહેન્જો દાડો’માં જોવા મળી હતી. જે બાદ સોનમ કપૂરનું નામ પણ સામે આવ્યું હતું, જે માટે સોનમ અને રોહિત શેટ્ટી વચ્ચે મીટિંગ પણ થઈ હતી. આ બાદ આ રેસમાં જેક્લિન પણ હતી. જો કે હવે ફિલ્મ કેટરીનાના ફાળે ગઈ છે.

from Entertainment News in Gujarati: Latest Entertainment News, Read Breaking Entertainment News – Page Array – I Am Gujarat http://bit.ly/2UPwN04