મૌની રોયે આકાશ અંબાણીના લગ્નમાં બતાવ્યાં હતાં નખરા?

ચર્ચામાં રહે છે મૌની રોય

એક્ટ્રેસ મૌનની રોય હંમેશા કોઈને કોઈ કારણે ચર્ચામાં રહે છે. તાજેતરમાં જ મૌની રોય અન્ય બોલિવૂડ સ્ટાર્સની જેમ જ મુકેશ અને નીતા અંબાણીના દીકરા આકાશ અંબાણીના લગ્નમાં હાજરી આપવા માટે પહોંચી હતી. આ વીવીઆઈપી લગ્નમાં સિક્યોરિટી ખૂબ જ કડક રાખવામાં આવી હતી. દરેક મહેમાનોના મોબાઈલ ફોન્સ પર સિક્યોરિટી ટેગ્સ લગાવવામાં આવ્યાં હતાં. જેના કારણે ફોન્સ લોક થઈ ગયાં હતાં.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

આ કારણે પરેશાન હતી મૌની

એક સૂત્રએ મીડિયાને જણાવ્યું કે પોતાનો ફોન લોક થઈ જવાના કારણે મૌની ખૂબ જ પરેશાન હતી અને તેણે પોતાના ફોનથી તે સિક્યોરિટી ટેગને હટાવવાની કોશિશ કરી હતી. જોકે, સિક્યોરિટી ટેગ દૂર થતાં જ સેન્સર દ્વારા ગાર્ડ્સને ખબર પડી ગઈ. જ્યારે સિક્યોરિટી ગાર્ડ્સે મૌનીને બીજીવાર સ્ટિકર લગાવવાનું કહ્યું ત્યારે તેની સાથે ચર્ચા કરવા લાગી હતી. ઉગ્ર દલીલો પછી મૌની ફરી સિક્યોરિટી ટેગ લગાવવા માટે રાજી થઈ હતી.

બતાવ્યા હતા નખરા

જોકે, મૌનીએ ફરી એકવાર સિક્યોરિટી ટેગ હટાવવાની કોશિશ કરી હતી. જેના કારણે ગાર્ડ્સ ફરીથી તેની પાસે પહોંચ્યા હતાં. જોકે, મૌનીના નખરા ઓછા થયા નહોતાં. ત્યાં સુધી કે તેણે એવી પણ ધમકી આપી હતી કે તેના લગ્નના ફંક્શનમાં પર્ફોર્મ નહીં કરે. જોકે, ફાઈનલી મૌનીને સિક્યોરિટીની વાત માનવી જ પડી કારણકે પર્ફોર્મન્સ માટે એડવાન્સ પેમેન્ટ પણ થઈ ગયું હતું.

‘બ્રહ્માસ્ત્ર’માં મળશે જોવા

જો કામની વાત કરવામાં આવે તો અક્ષયની સામે ‘ગોલ્ડ’થી ડેબ્યૂ કરનારી મૌની રોય હાલ ફિલ્મ ‘બ્રહ્માસ્ત્ર’માં કામ કરી રહી છે. આ ફિલ્મમાં રણબીર કપૂર, આલિયા ભટ્ટ અને અમિતાભ બચ્ચન લીડ રોલમાં જોવા મળશે.

from Entertainment News in Gujarati: Latest Entertainment News, Read Breaking Entertainment News – Page Array – I Am Gujarat https://ift.tt/2UqvJi0