બોલિવૂડમાં હીરો તરીકે અજય દેવગણનો આ રીતે થયો હતો પ્રવેશ

50 વર્ષનો થયો એક્ટર અજય દેવગણ

બોલિવૂડ એક્ટર અજય દેવગણ આજે 2 એપ્રિલના દિવસે 50 વર્ષનો થઈ ગયો છે, છેલ્લા 27 વર્ષથી અજય દેવગણ બોલિવૂડમાં અનેક હિટ ફિલ્મો આપી ચૂક્યો છે. પણ શું તમે જાણો છે કે અજય દેવગણને જ્યારે પહેલી વખત ફિલ્મ ઓફર થઈ ત્યારે તેની ઉંમર માત્ર 18 વર્ષ હતી. આ ફિલ્મનું નામ હતું ‘ફૂલ ઓર કાંટે’. આ ફિલ્મ વર્ષ 1991માં રિલીઝ થઈ હતી અને તેમાં અજય દેવગણની સાથે મધુ, અમરીશ પુરી, અરૂણા ઈરાની જેવા સ્ટાર્સ જોવા મળ્યા હતા. આ ફિલ્મ બોક્સ ઓફિસ પર હિટ રહી હતી તો ચાલો જાણીએ અજય દેવગણને આ ફિલ્મ કેવી રીતે મળી હતી.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

અજય દેવગણના પિતા વીરુ દેવગન સ્ટંટ કોરિયોગ્રાફર હતા

અજય દેવગણના પિતા વીરુ દેવગન બોલિવૂડના જાણીતા સ્ટંટ કોરિયોગ્રાફર હતા અને તેઓને એ વાતનો પૂરો ખ્યાલ હતો કે અજય દેવગણને પણ ફિલ્મો પ્રત્યે ભારે આકર્ષણ છે. અજય દેવગણ તે વખતે મુંબઈની મીઠીબાઈ કોલેજમાં અભ્યાસ કરી રહ્યો હતો, આ દરમિયાન અજય દેવગણ તેના પપ્પાની ફિલ્મોનું એડિટિંગ ધ્યાનથી જોતો હતો. ત્યારબાદ અજય દેવગણે ફિલ્મમેકર શેખર કપૂરની સાથે કેટલીક ફિલ્મો અને એડવર્ટાઈઝિંગમાં સહાયક તરીકે કાર્ય કર્યું.

હું કેવી રીતે ફિલ્મ કરી શકું?

એક દિવસ જ્યારે અજય દેવગણ કોલેજથી ઘરે આવ્યો ત્યારે જોયું કે તેના પપ્પાની સાથે ડિરેક્ટર કુકુ કોહલી બેઠા છે. અજય દેવગણના પપ્પાએ અજયને કહ્યું કે આ ડિરેક્ટર તને લઈને એક ફિલ્મ (ફૂલ ઓર કાંટે) બનાવવા માગે છે. આ સાંભળીને અજય દેવગણ ચોંકી ગયો અને ત્યાં હાજર પપ્પાને કહ્યું કે હું તો હજુ માત્ર 18 વર્ષનો છું, હું કેવી રીતે ફિલ્મ કરી શકું? તેણે આ ફિલ્મ કરવાની ના પાડી દીધી.

‘ફૂલ ઓર કાંટે’ ફિલ્મ હિટ રહી

પણ બાદમાં પપ્પાના કહેવાથી અજય દેવગણ આ ફિલ્મ કરવા માટે રાજી થઈ ગયો. અજય દેવગણના મનમાં એવું હતું કે આ ફિલ્મ ચાલી તો ઠીક છે નહીં તો હું ફિલ્મોમેકિંગમાં જતો રહીશ. ‘ફૂલ ઓર કાંટે’ ફિલ્મ હિટ રહી અને પછી અજય દેવગણે ક્યારેય પાછળ ફરીને જોયું નથી.

from Entertainment News in Gujarati: Latest Entertainment News, Read Breaking Entertainment News – Page Array – I Am Gujarat https://ift.tt/2FJ1OZb