મે મહિનાથી આ રાજ્યમાં શરુ થઈ રહ્યા છે સમર ફેસ્ટિવલ, ફરવાની મજા બેવડાઈ જશે

અહીં ગરમી હેરાન નહીં કરે

મે અને જૂન ગરમીના મહિનાઓ છે. પણ ફરવા માટે કેટલીક એવી પણ જગ્યાઓ છે જ્યાં ગરમી તમને હેરાન નહીં કરે. આ ઉપરાંત કુદરતી રીતે જ ઠંડું વાતાવરણ દિલને ખુશ કરી દેશે. જો આ વેકેશનમાં હજું ફરવાનું પ્લાનિંગ કરવાનું બાકી હોય તો આ રાજ્યમાં એક વખત આંટો મારવા જેવો છે. કારણ કે અહીં તે રાજ્યના પારંપરિક ફેસ્ટિવલની સાથોસાથ સ્પેશ્યલ સમર ફેસ્ટિવલ પણ શરુ થઈ રહ્યા છે. પણ પ્રવાસનો ખર્ચો વધશે. કારણ કે વેકેશનનો ટાઈમ હોટેલ અને ગેસ્ટહાઉસ માટેનો એક પ્રાઈમ ટાઈમ હોય છે.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

નાગાલેન્ડ

મોઆત્સુ ફેસ્ટિવલ દર વર્ષે નાગાલેન્ડમાં મનાવવામાં આવે છે. જેમાં ડાન્સ, સંગીત ઉપરાંત એક લગ્ન જેવો માહોલ હોય છે. અહીં સાંગપાંગતું માણવા જેવો કાર્યક્રમ છે. જેમાં પુરુષો અને મહિલાઓ નવા નવા કપડાંમાં તૈયાર થઈને સ્વાદનો આનંદ માણે છે. મે મહિનાના પ્રથમ અઠવાડિયામાં આ ફેસ્ટિવલ માનવાામાં આવે છે. નાગાલેન્ડમાં આ ફેસ્ટિવલને લઈને હાલમાં તૈયારીઓ પૂરી થઈ ગઈ છે. જોકે, આ માટે હોટેલવાળાઓ પણ પ્રવાસીઓને સજેસ્ટ કરતા હોય છે.

ત્રિશુરપુરમ મહોત્સવ

કેરળના મુખ્ય તહેવારો પૈકી એક તહેવાર એટલે ત્રિશુરપુરમ મહોત્સવ. જેમાં ભગવાન શિવજી પૂજા કરવામાં આવે છે. આ ઉત્સવ મે મહિનામાં કેરળના જાણીતા મંદિર વડકુંકનાથમાં મનાવવામાં આવે છે. વર્ષમાં એક વખત આવતા આ તહેવારમાં ભાગ લેવા માટે લોકો દેશ-વિદેશથી અહીં આવે છે. આ દિવસે એક પૂજા કરવામાં આવે છે જે 36 કલાક સુધી ચાલે છે. ત્યાર બાદ અહીં શાનદાર આતશબાજી થાય છે. રંગ, ભક્તિ અને સંગીતનું અહીં એક અનોખું સંગમ જોવા મળે છે. આ ઉપરાંત એક સાથે 50 સુશોભીત હાથીને જોવાનો પણ લ્હાવો છે. આ તહેવાર 13 મેથી શરુ થાય છે. કેરળના થ્રિસુરમાં ખૂબ જ ધામધૂમથી મનાવાય છે.

ધુંગરીમેળો

હિમાચલ પ્રદેશના જાણીતા ટ્રેકિંગ પોઈન્ટ મનાલીમાં હિડિંબા દેવી મંદિરે 14 થી 26 મે સુધી એક પારંપરિક મેળાનું આયોજન કરવામાં આવે છે. ત્રિદિવસીય આ મેળા દરમિયાન મેળાનો નજારો એક વખત માણવા લાયક હોય છે. આ દિવસે એક સરઘસ કાઢવામાં આવે છે. જેમાં તમામ દેવી દેવતાઓની મૂર્તિ હોય છે. સ્થાનિકો આ દિવસે પરંપરા અનુસાર સંગીત પર નૃત્ય કરે છે. માત્ર મનાલી જ નહીં આસપાસના ગામમાં પણ આ તહેવાર ખૂબ ધામધૂમથી મનાવવામાં આવે છે.

સમર ફેસ્ટિવલ

તામિલનાડું રાજ્યનું જાણીતુ હિલસ્ટેશન ઊંટીમાં આ વખતેના સમર ફેસ્ટિવલની તૈયારીઓ થઈ ચૂકી છે. જેમાં ગુડાલુરનો સ્પાઈસ શો, કોટાગીરી વેજિટેબલ પાર્કનો વેજિટેબલ શો, રોઝ ગાર્ડન, કુન્નુરના સિમ પાર્કનો ફ્રુટ શો અને ફ્લાવર શો ખાસ જોવા જેવા છે. તા. 17 મેથી 21 મે સુધી આ ફેસ્ટિલમાં ભાગ લઈ શકાશે. ઊંટીના મેન બજારમાં પણ આ તહેવારની રોનક જોવા મળશે.

મા. આબુ

માઉન્ટ આબુમાં પણ આ વખતે સમર ફેસ્ટિવલનું આયોજન કરવામાં આવ્યું છે. જેમાં નૃત્ય અને સંગીતનો સંગમ જોવા મળશે.આ સિવાય જાણીતા નકીલેક પર બોટ રેસિંગ અને રોલર સ્કેટિંગ રેસ જેવી અનેક એક્ટિવિટીનું આયોજન કરવામાં આવે છે. આ વખેત તા.17 અને 18 એમ બે દિવસ સમર ફેસ્ટિવલનું આયોજન કરાયું છે. આ સિવાયના દિવસોમાં પણ આ ફેસ્ટિવલની રોનક જોવા મળશે.

from Lifestyle Tips in Gujarati, જીવનશૈલી ટીપ્સ, Daily Lifestyle Tips – Page Array – I Am Gujarat http://bit.ly/2ZGPF09