અમદાવાદ: કોંગ્રેસમાં જોડાતા જ તેના સ્ટાર પ્રચારક બની ગયેલા હાર્દિક પટેલ માટે પાર્ટીએ હવે હેલિકોપ્ટરની પણ વ્યવસ્થા કરી દીધી છે. અત્યાર સુધી ગાડીમાં ફરતો હાર્દિક હવે હેલિકોપ્ટરમાં ફરીને પ્રચારમાં લાગી ગયો છે. લોકસભા ચૂંટણીના પ્રચારમાં હવે માંડ ચારેક દિવસ બચ્યા છે, ત્યારે હેલિકોપ્ટર દ્વારા હાર્દિક ગુજરાતના ખૂણેખૂણામાં રેલીઓ સંબોધી રહ્યો છે.
હવે Whatsapp પર મેળવો તમામ મહત્વના ન્યૂઝ, શરુ કરવા માટે આ લિંક પર ક્લિક કરો
હાર્દિકે આજે સવારે આઠ વાગ્યે કેશોદમાં એક સભા સંબોધી હતી. સૌરાષ્ટ્રના કેશોદથી હાર્દિક હેલિકોપ્ટર મારફત સીધો જ ઉત્તર ગુજરાતના હારીજ જવા રવાના થયો હતો, અને હારિજમાં સભા પૂરી કર્યા બાદ તે ત્યાંથી દક્ષિણ ગુજરાતના ભરુચ જવા રવાના થશે, જ્યાં બપોરે ત્રણ વાગ્યે તેની સભા છે. ભરુચની સભા પૂરી કરી હાર્દિક ફરી ગાંધીનગર પાસેના માણસા પહોંચશે, અને ત્યાં સાંજે સાડા પાંચ વાગ્યે ભાષણ આપીને રાત્રે આઠ વાગ્યે પાટણ પહોંચશે.
ગુજરાતમાં 23 એપ્રિલે લોકસભા ચૂંટણીનું મતદાન યોજાવાનું છે. મતદાનની તારીખના 48 કલાક પહેલા જાહેર સભા સંબોધી શકાતી નથી. આ દિવસો દરમિયાન માત્ર ડોર ટુ ડોર જ પ્રચાર થઈ શકે છે. આમ, હવે ગુજરાતમાં પ્રચારના ખાસ દિવસો બાકી રહ્યા નથી, ત્યારે હાર્દિક વધુમાં વધુ પ્રચાર કરી શકે તેના માટે ખાસ હેલિકોપ્ટર ફાળવવામાં આવ્યું છે.
ઉલ્લેખનીય છે કે, ગુજરાતમાં કોંગ્રેસ પાસે અનેક સીનિયર નેતાઓ તો છે, પરંતુ હાર્દિકની માફક સમગ્ર રાજ્યમાં જાણીતો હોય તેવો ચહેરો કોંગ્રેસ પાસે નથી. તેવામાં પક્ષ પાસે રાજ્યના ખૂણેખૂણામાં ફરીને પ્રચાર કરી શકે તે માટે હાલ હાર્દિક પટેલ એક માત્ર વિકલ્પ છે. એક સમયે અલ્પેશ ઠાકોર કોંગ્રેસનો ઉત્તર ગુજરાતમાં મજબૂત ચહેરો મનાતા હતા, પરંતુ તેમણે પક્ષ સાથે છેડો ફાડ્યા બાદ હાર્દિકનું કોંગ્રેસમાં કદ વધી ગયું છે.
from Page Array – I Am Gujarat http://bit.ly/2GsI2mh
No comments:
Post a Comment