રણબીર કપૂર સાથે પોતાના લગ્ન વિશે બોલી આલિયા ભટ્ટ

આ મહિને રોકા કરશે આલિયા-રણબીર?

આલિયા ભટ્ટ અને રણબીર કપૂર માત્ર પોતાની ફિલ્મો માટે નહીં પણ તેમના અફેરના કારણે પણ છેલ્લા ઘણા સમયથી ચર્ચામાં છે. હાલમાં જ ઘણા એવોર્ડ ફંક્શનમાં પણ આ કપલ સાથે જોવા મળ્યું અને હવે તો બંને એકબીજા પ્રત્યેને પ્રેમ પણ ખુલ્લેઆમ જાહેર કરે છે. થોડા દિવસો પહેલા એવા ન્યૂઝ સામે આવ્યા હતા કે, આ જ મહિને બંનેની રોકા સેરેમની થઈ શકે છે અને વર્ષના અંત સુધીમાં બંને લગ્નના બંધનમાં બંધાઈ શકે છે.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

હવે આલિયાએ તોડ્યું મૌન

હવે આ મુદ્દે પ્રથમવાર આલિયાએ પોતાનું મૌન તોડ્યું છે. રણબીર સાથે પોતાના લગ્નની અટકળો પર રોક લગાવતા કહ્યું કે, તે માત્ર લંડનની ‘રોકા’ રેસ્ટોરાંમાં જઈ રહી છે. તેના માટે કોઈ રોકા સેરેમની થવા જઈ રહી નથી. રણબીર વિશે આલિયાએ કહ્યું કે, જ્યારે તે પહેલીવાર તેને મળી હતી તો લાગ્યું હતું કે, રણબીર તેના માટે જ બન્યો છે. તેણે કહ્યું કે, રણબીર પોતાના જીવનમાં ખૂબ સાધારણ વ્યક્તિ છે અને તેને સમજવો અઘરું નથી.

‘બ્રહ્માસ્ત્ર’માં જમાવશે જોડી

વર્ક ફ્રન્ટની વાત કરીએ તો આલિયા અને રણબીર અત્યારે અયાન મુખર્જીના નિર્દેશનમાં બની રહેલી ‘બ્રહ્માસ્ત્ર’માં કામ કરી રહ્યાં છે. આ ફિલ્મમાં તેમની સાથે અમિતાભ બચ્ચન અને મૌની રૉય પણ જોવા મળશે અને ફિલ્મ વર્ષના અંત સુધીમાં રિલીઝ થશે. આ ઉપરાંત આલિયા 17 એપ્રિલે રિલીઝ થઈ રહેલી ‘કલંક’માં પણ દેખાશે.

from Entertainment News in Gujarati: Latest Entertainment News, Read Breaking Entertainment News – Page Array – I Am Gujarat https://ift.tt/2TRH2eM