રેહા ચક્રવર્તીને ટ્રોલર્સે પૂછ્યું ‘હું તને નાભિ પર કિસ કરી શકું?’

ટ્રોલ્સથી પરેશાન છે સેલિબ્રિટીઝ

ટ્રોલ્સ ઘણીવાર તમામ હદ પસાર કરી જતા હોય છે અને ક્યારેક તેના જવાબ આપવા સેલિબ્રિટી માટે ભારે પડી જતા હોય છે. ઘણીવાર તેઓ ખૂબ જ વાહિયાત અને વલ્ગર મેસેજીસ પણ સેલિબ્રિટીને મોકલતા હોય છે. તેમાં પણ જો તે સેલિબ્રિટી એક હીરોઈન કે સ્ત્રી હોય તો પછી કંઈ જ બાકી રહેતું નથી. આવો જ કંઈક અનુભવ ચુલબુલી બંગાળી બ્યુટી રેહા ચક્રવર્તીને થયો હતો.

ઘણીવાર એવા સવાલ પૂછે છે કે જવાબ આપતા પણ સંકોચ થાય

તાજેતરમાં રેહાએ એક ઇન્ટર્વ્યુ દરમિયાન આ અંગે ખુલાસો કર્યો હતો. જેમાં સોશિયલ મીડિયા પર આવતી વલ્ગર કોમેન્ટ અને પ્રેશરને કઈ રીતે ડીલ કરે છે તે અંગે જણાવતા રેહાએ કહ્યું કે, ‘જ્યારે તમે સોશિયલ મીડિયા પર એક ફીમેલ તરીકે હોવ છો ત્યારે તમારે ઘણીબધી બાબતોનું ધ્યાન રાખવું પડે છે. ઘણીવાર એવા એવા સવાલો અને ટ્રોલ્સ આવતા હોય છે કે તમે આવું બોલતા પણ શરમ સંકોચ અનુભવો. મને હમણા જ એક વ્યક્તિએ સોશિયલ મીડિયા પર એવો મેસેજ કર્યો કે શું હું તમારી નાભિ પર કિસ કરી શકું?’

‘લોકો નવરા છે એટલે બેઠા બેઠા ટ્રોલ કર્યે રાખે’

આજકાલ ખૂબ ચાલેલા આ ટ્રોલિંગ કલ્ચરથી નારાજ થઈને રેહાના અપકમિંગ પ્રોજેક્ટમાં સાથે કામ કરતા પંજાબી સિંગરસ જસ્સી ગીલે કહ્યું કે, ‘આજકાલ આપણા દેશમાં બેરોજગારી વધી છે અને આ નવરા પડેલા લોકોએ બસ ટ્રોલિંગને જ પોતાનો ધંધો બનાવી લીધો છે. મને પણ તેઓ શરુઆતમાં ફુકરા, વોનાબી જેવા નામથી બોલાવતા, ત્યારે મને થતું મેં એવું શું ખોટું કર્યું છે કે આ લોકો મારી પાછળ પડી ગયા છે?’

રેહાને સિદ્ધાર્થ હોટ લાગે છે

જ્યારે ઇન્ટર્વ્યુંમાં રેહાને એક ફની સવાલ કરવામાં આવ્યો કે જો તેને કોઈને મારી નાખવાનો હોય, કોઈ સાથે લગ્ન કરવાના હોય કે પછી કોઈ સાથે હૂકઅપ કરવાનું હોય તો આ ત્રણ વરુણ ધવન, સિદ્ધાર્થ મલ્હોત્રા અને ઝહીર ઇકબાલમાંથી કોને પસંદ કરે તો રેહાએ તરત જ જવાબ આપતા કહ્યું કે વરુણ ખૂબ સારો મિત્ર છે એટલે તેની સાથે લગ્ન કરીશ અને સિદ્ધાર્થ હોટ છે એટલે તેની સાથે હૂક અપ અને ઝહીર ઇકબાલને મારી નાખીશ અને પછી તેને ફોન કરીને માફી માગીશ. જ્યારે જસ્સીને એવું પૂછવામાં આવ્યું કે ક્યા સેલિબ્રિટીએ ગાવાનું બંધ કરવું જોઈએ તો તેણે ટીખળ કરતા કહ્યું કે સોનાક્ષી સિન્હા.

from Page Array – I Am Gujarat http://bit.ly/2UL9vIJ