વેકેશનમાં ટ્રેકિંગ કરવાનો પ્લાન હોય તો આ ટિપ્સ ખૂબ કામ આવશે

કેટલીક ઉપયોગી ટિપ્સ

દિન-પ્રતિદિન ટ્રેકિંગ કરનારા લોકોની સંખ્યામાં વધારો થતો જાય છે. આ વેકેશનમાં તમારો પણ ટ્રેકિંગ કરવાનો પ્લાન હોય તો કેટલીક ટિપ્સ તમને કામ આવી શકે છે. આ ઉપરાંત આ ટિપ્સ જે તે સ્પોટ ઉપર પણ તે કામ આવશે. આ ઉપરાંત થોડું ફીટ પણ રહેવાશે અને ટ્રેકિંગ દરમિયાન પ્રેક્ટિસથી કોઈ થાક પણ નહીં લાગે. જોઈએ આવી કેટલીક ઉપયોગી ટિપ્સ

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

ટ્રેનિંગ શરુ કરી દો

ટ્રેકિંગ કેમ્પને ભલે ગમે એટલો સમય હોય પણ તમે જે તે પ્રોગ્રામને લઈને તમારી તૈયારીઓ અગાઉથી શરુ કરી શકો છો. ધીમે ધીમે તમારી ફીટનેસ કેળવાતા તાકાતમાં વધારો થશે. ખ્યાલ આવી જશે કે, ટ્રેકિંગ માટે તમે કેટલા તૈયાર છો અને હજુ કેટલી પ્રેક્ટિસ કરવાની જરુર છે.

યોગ્ય બુટ પસંદ કરો

ટ્રેકિંગ માટે બેસ્ટ ક્વોલિટીના ફૂટવેર પસંદ કરી શકો છો. બુટ પહેરીને વૉકિંગ ટ્રેનિંગ ખૂબ જરુરી છે. એન્કલ પ્રોટેક્શન સાથે સપોર્ટિંવ શુઝ ખૂબ જરુરી છે. પણ એન્કલ કફથી થોડા બચીને રહેવું જોઈએ. જેનાથી થોડી મુશ્કેલી થઈ શકે છે.

યોગ્ય મોજા પણ હોવા જોઈએ

બુટની સાથોસાથ સારી ગુણવત્તાવાળા મોજા પણ સાથે હોવા જોઈએ. બુટ સારા હોય પણ યોગ્ય મોજા ન હોય તો ટ્રિપમાં મુશ્કેલી ઊભી થઈ શકે છે. જો વોટરપ્રુફ મોજા મળે તો સૌથી બેસ્ટ માનવામાં આવે છે. જે ઝડપથી પાણીથી નીતરી જાય છે અને વજન પણ લાગતો નથી.

પગની મજબુતી

આ ટ્રેકિંગ માટે ખૂબ જરુરી છે. વૉકિંગ ટ્રેકિંગ સિવાય પણ જે વસ્તુથી શરીરને અને પગને મજબુતી મળે તે કામ કરવું જોઈએ. ખાસ કરીને જીમમાં લેગપ્રેસ અને સ્ક્વોટ્સ જેવી કસરસ ખાસ કરવી જોઈએ. ટ્રેકિંગમાં સૌથી વધુ ઘ્યાન પગનું રાખવાનું હોય છે. પગ મજબુત બશે તો ટ્રિપમાં કોઈ મુશ્કેલી નહીં પડે. આ ઉપરાંત, જેમ જેમ ફીટનેસ સારી બને તેમ બેસ્ટ પોઈન્ટસ પર ટ્રેકિંગ કરવું જોઈએ.

પેકિંગ

એ વસ્તુ ખાસ ધ્યાન રાખવી જોઈએ કે જરુરિયાત કરતા વધારે સામાન ન લઈ જવો જોઈએ. ખાણીપીણી, પાણી, કપડાં અને બીજી કેટલીક વસ્તુઓ જે સાથે લઈ જાવ તેનો વધુ પડતો વજન ન લાગે તેનું ખાસ ધ્યાન રાખવું જોઈએ. સામાન જેટલો ઓછો હશે એટલી મુશ્કેલી ઓછી પડશે. જો કેમેરો સાથે લઈ જવાના હોવ તો તેની એક અલગથી બેગ કરવાને બદલે કોઈ બેગમાં તેને પેક કરીને સાચવી શકાય છે. આ બેગ ક્યાંય અથડાય નહીં તેનું ખાસ ધ્યાન રાખવું જોઈએ.

 

 

from Lifestyle Tips in Gujarati, જીવનશૈલી ટીપ્સ, Daily Lifestyle Tips – Page Array – I Am Gujarat http://bit.ly/2PcXYfl