આલૂ પરાઠા
આલૂ પરાઠાનું તો નામ સાંભળતા જ મોંમા પાણી આવી જાય. આલૂ પરાઠાં ખાવાની મજા જ કંઈક અલગ છે. હવે તો કેટલાક રેસ્ટોરાં એવી છે જ્યાં માત્ર અલગ-અલગ પ્રકારના પરાઠાં મળતાં હોય. આવા પરાઠાં આપણે ઘરે બનાવવાનો ટ્રાય કરીએ તો બને નહીં, અથવા તો વણતી વખતે ફાટી જાય. જો તમારી સાથે આવું પણ આવું થતું હોય તો આ રેસિપી તમારા માટે જ છે. આ રીતે આલૂ પરાઠાં બનાવશો તો એકદમ રેસ્ટોરાં જેવા બનશે.
કણક બાંધવા માટેઃ
એક કપ ઘઉંનો લોટ
બે ચમચી તેલ
સ્વાદાનુસાર મીઠું
પાણી
સ્ટફિંગ બનાવવા માટેઃ
બે નંગ બાફેલા બટાકાં
એક ચમચી લીલા મરચાંની પેસ્ટ
એક ચમચી આદુની પેસ્ટ
એક ચમચી લસણની પેસ્ટ
સ્વાદાનુંસાર મીઠું
ચપટી હળદર
ચપટી હિંગ
અડધી ચમચી લીંબુનો રસ
એક ચમચી કોથમીર
એક ચમચી તેલ
બનાવવાની રીત
સૌ પ્રથમ પરાઠાની કણક બાંધવા માટે એક બાઉલમાં ઘઉંનો લોટ લઈ તેમાં સ્વાદાનુસાર મીઠું નાખી મિક્સ કરી લો. ત્યારબાદ થોડું-થોડું પાણી ઉમેરી થોડી કઠણ કણક બાંધી લો.
બનાવવાની રીત
સ્ટફિંગ બનાવવા માટે એક બાઉલ લો. તેમાં બાફેલા બટાકાં લઈ તેને મેશ કરી લો. હવે તેમાં આદુ-મરચાં-લસણની પેસ્ટ ઉમેરી મિક્સ કરી લો. હવે એક પેનમાં તેલ લઈ, તેને ગરમ થવા દો. તેલ ગરમ થઈ જાય એટલે તેમાં હળદર-હિંગનો વઘાર કરી લો. વધાર ફુટી જાય એટલે તેને બટાકાંના મિશ્રણમાં ઉમેરી થોડીવાર માટે બાઉલને ઢાંકી દો. હવે બટાકાંના આ મિશ્રણમાં સ્વાદાનુંસાર મીઠું અને સમારેલી કોથમીર ઉમેરી મિક્સ કરી લો. તમે ઈચ્છો તો આ મિશ્રણમાં ચીઝ અથવા પનીર પણ એડ કરી શકો. તેનાથી પરાઠાંનો ટેસ્ટ એકદમ અલગ લાગશે.
બનાવવાની રીત
ઘઉંના લોટની કણકમાંથી નાના પરાઠાં વણી લો, તેમાં બટાકાંનું સ્ટફિંગ મુકી ચારેબાજુથી પરાઠાની કિનારી બાંધી લો. ત્યારબાદ પરાઠાને ફરી વણી લો. આમ એક પછી એક બધા પરાઠા બનાવી લો. એક નોનસ્ટીક પેનમાં પરાઠાંને શેકી લો. પરાઠાં થોડી ડિઝાઈન પડે ત્યાં સુધી તેને શેકાવા દો. હવે એક પેનમાં ઘી ગરમ કરો, આ ગરમ ઘીમાં પરાઠાંને તળી લો. તો તૈયાર છે આલૂ પરાઠા. આ પરાઠાને ગ્રીનચટણી અથવા દહીં સાથે ગરમાગરમ સર્વ કરો.
from Page Array – I Am Gujarat http://bit.ly/2DA0VSD
No comments:
Post a Comment