અંડરઆર્મ્સની કાળાશ શરમમાં મૂકે છે? દૂધ, લીંબુ અને બેકિંગ સોડાથી આ રીતે થશે દૂર

અંડરઆર્મ્સની ડાર્કનેસથી શરમાવ નહીં

રેઝર અને હેર રિમૂવલ ક્રીમ, ડિયોડરેંટ વધુ પડતા ઉપયોગથી અંડરઆર્મ્સ (બગલ)માં કાળાશ આવી જાય છે. આ કાળાશ દૂર કરવી એક ચેલેન્જ સમાન છે. ક્યારેક અંડરઆર્મ્સની કાળાશને લીધે મહિલાઓ સ્લીવલેસ ડ્રેસ પહેરતા સંકોચ અનુભવે છે. અંડરઆર્મ્સની કાળાશ દૂર કરવા માટે આ ઘરેલુ નુસખા અપનાવી જુઓ.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

લીંબુ

સ્કીનથી લઈને અંડરઆર્મ્સની કાળાશ દૂર કરવામાં લીંબુ અક્સીર છે. લીંબુમાં એન્ટી બેક્ટેરિયલ અને એન્ટી સેપ્ટિક તત્વો રહેલા છે. આ સિવાય લીંબુમાં રહેલું એસિડ ત્વચાનો રંગ નિખારવામાં મદદ કરે છે. સાથે જ ડેડ સ્કીન દૂર કરે છે.

આ રીતે ઉપયોગ કરો

લીંબુને કાપીને ન્હાવાની થોડીવાર પહેલા અંડરઆર્મ્સ પર ઘસો. ન્હાયા બાદ ત્યાં મોઈશ્ચરાઈઝર લગાવી દો. આ સિવાય ચપટી હળદર અને મધ લઈ લીંબુના રસમાં મિક્સ કરી પેસ્ટ તૈયાર કરો. 10 મિનિટ અંડરઆર્મ્સમાં લગાવી રાખો. સૂકાઈ જાય એટલે ઠંડા પાણીથી ધોઈ લો.

બટાકાં

બટાકાંમાં બ્લીચના ગુણો રહેલા છે. સંવેદનશીલ ત્વચા પર લીંબુ લગાવવાથી ખંજવાળ અને બળતરા થઈ શકે છે જ્યારે બટાકાંમાં સ્કીન ફ્રેંડલી એસિડ રહેલું છે. જેથી કોઈ સમસ્યા થતી નથી.

આ રીતે કરો ઉપયોગ

બટાકાંની પાતળી સ્લાઈસ કાપી અંડરઆર્મ્સ પર ઘસો અને 5-10 મિનિટ સુધી રહેવા દો. સૂકાઈ જાય ત્યારે હૂંફાળા પાણીથી ધોઈ લો. આ સિવાય બટાકાંને છીણી તેનો જ્યૂસ કાઢીને રૂ અંડરઆર્મ્સ પર લગાવો. 10 મિનિટ બાદ ઠંડા પાણીથી ધોઈ લો.

કાકડી

કાકડીમાં રહેલા તત્વો સ્કીનની ડાર્કનેસ દૂર કરી તેને સોફટ બનાવે છે. સાથે જ સ્કીન પ્રોબ્લેમ્સમાંથી છૂટકારો અપાવે છે.

આ રીતે કરો ઉપયોગ

કાકડીમાં લીંબુનો રસ અને હળદર ઉમેરી અંડરઆર્મ્સ પર લગાવો. લીંબુ ડેડ સ્કીન દૂર કરે છે જ્યારે કાકડી ત્વચાને ઠંડક પૂરી પાડે છે. હળદરમાં આયુર્વેદિક ગુણ રહેલા છે.

બેકિંગ સોડા

અંડરઆર્મ્સની કાળાશ દૂર કરવા માટે આ સૌથી અસરકારક નુસખો છે. ડેડ અને ડેમેજ સેલ્સને દૂર કરી પોર્સ ખોલે છે અને પરસેવાની દુર્ગંધ દૂર કરે છે.

આ રીતે ઉપયોગ કરો

બેકિંગ સોડામાં થોડું પાણી ઉમેરીને પેસ્ટ તૈયાર કરો. આ પેસ્ટ અંડરઆર્મ્સ પર બરાબર ઘસો. સૂકાઈ જાય એટલે પાણીથી ધોઈ લો. ન્હાતા પહેલા પાણી અને બેકિંગ સોડાને મિક્સ કરી અંડરઆર્મ્સમાં લગાવો.

દૂધ

દૂધમાં રહેલા વિટામિન્સ અને ફેટી એસિડ અંડરઆર્મ્સની ડાર્કનેસ દૂર કરવાની સાથે તેને કોમળતા આપે છે. દહીંનો ઉપયોગ પણ અંડરઆર્મ્સની કાળાશ દૂર કરવા કરી શકાય.

આ રીતે કરો ઉપયોગ

દૂધ, દહીં અને ઘઉંનો લોટ લઈ પેસ્ટ બનાવી લો. અંડરઆર્મ્સ પર 15 મિનિટ રહેવા દો. સૂકાઈ જાય એટલે પાણીથી ધોઈ લો.

ઓઈલ

શરીર પર તેલ લગાવવું ખૂબ ઓછા લોકોને પસંદ હોય છે. પરંતુ આ ઉપાય કારગત છે. અંડરઆર્મ્સની ડાર્કનેસની સમસ્યા પણ દૂર કરે છે.

આ રીતે ઉપયોગ કરો

ઓલિવ ઓઈલ કે નારિયેળ તેલમાં બ્રાઉન શુગર મિક્સ કરો. અંડરઆર્મ્સને થોડા ભીના કરી આ મિક્સચરને સ્ક્રબની જેમ લગાવી લો. 5 મિનિટ બાદ ઠંડા પાણીથી ધોઈ લો.

from Page Array – I Am Gujarat http://bit.ly/2ZxYA3R