પૂર્વ પતિને કહ્યો ‘ઈડિયટ’, પોલીસ મહિલાને પકડીને લઈ ગઈ! 😲

પૂર્વ પતિને ‘ઈડિયટ’ કહેવું ભારે પડ્યું

પૂર્વ પતિને ‘ઈડિયટ’ કહેવું એક મહિલાને ભારે પડ્યું છે. દુબઈમાં આ મહિલાએ પોતાની ફેસબુક પોસ્ટમાં પૂર્વ પતિને ઈડિયટ કહ્યો હતો. જે બાદ મહિલાની તેની 14 વર્ષની દીકરી સાથે જ ધરપકડ કરાઈ છે. મહિલાના પૂર્વ પતિની બીજી પત્નીએ મહિલાની ત્રણ વર્ષ જૂની ફેસબુક પોસ્ટને લઈને ફરિયાદ કરી હતી.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

55 વર્ષની લાલેહની ધરપકડ

બ્રિટનમાં રહેતી લાલેહ શરાવેશ 55 વર્ષની છે. લાલેહે જણાવ્યું કે તેને લાગ્યું કે તેણે બ્રિટેન છોડી દીધું છે. લાલેહે તેના પૂર્વ પત્નીની બીજી પત્ની માટે અભદ્ર ભાષાનો ઉપયોગ કર્યો હતો. મહત્વપૂર્ણ છે કે દુબઈમાં સોશિયલ મીડિયાને લઈને કડક કાયદાઓ છે.

45 લાખનો દંડ પણ વસુલાશે

એક મહિના પહેલા ધરપકડ કરાયેલી આ મહિલાને જામીન પર મુક્ત કરાઈ છે. પરંતુ આવતા મહિને તેની પાસેથી દંડ રૂપે 45 લાખ રૂપિયા વસુલાય તેવી શક્યતા છે. મીડિયા રિપોર્ટ પ્રમાણે લાલેહ પોતાના પૂર્વ પતિના અંતિમ સંસ્કારમાં સામેલ થવા માટે દુબઈ આવી હતી.

પૂર્વ પતિની બીજી પત્નીએ નોંધાવી ફરિયાદ

ત્યારે જ લાલેહને જાણ થઈ કે પૂર્વ પતિની બીજી પત્નીએ જૂની ફેસબુક પોસ્ટને લઈને ફરિયાદ નોંધાવી છે. લાલેહની પુત્રીને બ્રિટેન પરત ફરવા માટે મંજૂરી અપાઈ, પરંતુ તેનો પાસપોર્ટ જપ્ત કરી લેવાયો અને દેશ છોડવા પર પ્રતિબંધ મુકી દેવાયો. લાલેહના વકીલના કહેવા પ્રમાણે તેને બે વર્ષની જેલની સજા થાય તેવી શક્યતા છે. લાલેહે કહ્યું કે, ‘હું ડરી ગઈ છું, હું ઊંઘી શકતી નથી અને ન ખાઈ શકુ છું, હાલ હું સ્ટ્રેસમા છું’.

બે વર્ષ પહેલા પતિ-પત્ની થયા અલગ

બે વર્ષ પહેલા 18 વર્ષના લગ્નજીવન બાદ લાલેહે પતિ પાસેથી છુટાછેડા લીધા હતા. લાલેહે ઈંગ્લેન્ડમાં રહીને ફેસબુક પર પોસ્ટ કર્યું હતું અને તે સમયે તેને સજા મળશે તેવું વિચાર્યું પણ નહીં હોય. તેને આ વિશે પણ વિચાર નહોતો કે દુબઈમાં તેની સામે સોશિયલ મીડિયા પોસ્ટના કારણે જેલની સજા થઈ શકે છે.

from Page Array – I Am Gujarat http://bit.ly/2YZsca4