‘જવાની જાનેમન’ને પ્રોડ્યૂસ કરશે સૈફ
બોલિવુડ એક્ટર સૈફ અલી ખાન પોતાની આગામી ફિલ્મ ‘જવાની જાનેમન’ પ્રોડ્યૂસ કરવા જઈ રહ્યો છે. મીડિયા રિપોર્ટ્સ પ્રમાણે સૈફનો મિત્ર જય શેવકરમાની આ ફિલ્મને કો-પ્રોડ્યૂસ કરશે. નિતિન કક્કડના ડાયરેક્શનમાં બની રહેલી આ ફિલ્મથી પૂજા બેદીની દીકરી આલિયા ફર્નીચરવાલા બોલિવુડમાં ડેબ્યૂ કરવા જઈ રહી છે.
હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો
આલિયાના પિતાનો રોલ કરશે સૈફ
મીડિયા રિપોર્ટ્સ પ્રમાણે ફિલ્મમાં સૈફ, આલિયાના પિતાનો રોલ કરશે. જો કે પહેલા એવા પણ ન્યૂઝ હતા કે આ ફિલ્મમાં સારા અલી ખાનને કાસ્ટ કરાશે પરંતુ સૈફે આ વાતથી ઈનકાર કરી દીધો છે. જો કે સૈફે તેમ પણ કહ્યું કે સારા આ રોલ કરત તો તેને વધારે સારુ લાગત. સૈફે તેમ પણ જણાવ્યું કે આ ફિલ્મ કરવા માટે સારાએ પોતાની બીજી ફિલ્મો છોડવી પડી હોત.
સૈફ સાથે કામ નહીં કરે સારા
સારાના અત્યારસુધીના બોલિવુડ સફરથી સૈફ ઘણો ખુશ છે. તેણે કહ્યું કે ‘જવાની જાનેમાન’ માટે આલિયા ફર્નીચરવાલા પરફેક્ટ ચોઈસ છે. વર્કફ્રન્ટની વાત કરીએ તો સૈફની છેલ્લી ફિલ્મ ‘બાઝાર’ રિલીઝ થઈ હતી. જેમાં તેના એક્ટિંગની ઘણી પ્રશંસા થઈ હતી, જો કે ફિલ્મ બોક્સ ઓફિસ પર પીટાઈ ગઈ હતી. આ સમયે સૈફ, અજય દેવગણની સાથે ‘તાનાજીઃ ધ અનસંગ વોરિયર’માં કામ કરી રહ્યો છે જેમાં તે નેગેટિવ રોલમાં જોવા મળશે.
‘લવ આજ કલ 2’માં બિઝી છે સારા
સારા અલી ખાનના વર્ક ફ્રંટની વાત કરીએ તો હાલ તે કાર્તિક આર્યન સાથે ઈમ્તિયાઝ અલીની ફિલ્મ ‘લવ આજ કલ 2’નું શૂટિંગ કરી રહી છે. આ ફિલ્મનું દિલ્હીમાં શૂટિંગ થોડા દિવસ પહેલા જ પૂરુ થયું હતું, જેના વીડિયો અને ફોટો સોશિયલ મીડિયામાં વાયરલ થયા હતા. સારા અલી ખાનને કાર્તિક આર્યન કેટલો પસંદ છે તે બધા જાણે છે. જે બાદ આ ફિલ્મને લઈને પણ તેના ફેન્સ રાહ જોઈ રહ્યા છે.
‘કેદારનાથ’થી કર્યું હતુ ડેબ્યૂ
સૈફ અલી ખાન અને અમૃતા સિંહની લાડકી સારા અલી ખાને ફિલ્મ કેદારનાથથી બોલિવુડમાં ડેબ્યૂ કર્યું હતું. આ ફિલ્મમાં તે સુશાંત સિંહ રાજપૂતના ઓપોઝિટમાં જોવા મળી હતી. આ બાદ તે ફિલ્મ સિમ્બામાં રણવીર સિંહ સાથે જોવા મળી હતી. આ ફિલ્મ બોક્સ ઓફિસ પર બ્લોક બસ્ટર સાબિત થઈ હતી અને કેટલાય રેકોર્ડ બ્રેક કર્યા હતા.
from Entertainment News in Gujarati: Latest Entertainment News, Read Breaking Entertainment News – Page Array – I Am Gujarat http://bit.ly/2P10Qvn
No comments:
Post a Comment