તૈયારીમાં માત્ર દસ મિનિટ લાગશે, ઘરે બનાવી જુઓ ટેસ્ટી પાન આઈસ્ક્રીમ 😋

પાન આઈસ્ક્રીમઃ

આજકાલ વેનિલા, ચોકલેટ, બટરસ્કોચ ઉપરાંત આઈસ્ક્રીમની અવનવી ફ્લેવર્સ પોપ્યુલર થઈ રહી છે. તેમાંથી એક ફ્લેવર છે પાન આઈસ્ક્રીમ. ગુજરાતમાં આઈસ્ક્રીમની આ ફ્લેવર પસંદ કરનારા લોકોની સંખ્યા ઘણી વધારે છે. તમે આ આઈસ્ક્રીમ ઘરે પણ બનાવી શકો છો. આ આઈસ્ક્રીમમાં ઝટપટ પણ બની જશે અને બધાને ભાવશે પણ ખૂબ. વળી આમાં તમારે એક્સ્ટ્રા એસેન્સ કે આર્ટિફિશિયલ પદાર્થો ઉમેરવાની જરૂર પણ નહિ પડે. તો શીખી લો પાન આઈસ્ક્રીમ બનાવવાની ઈઝી રીત.

હવે એક મેસેજ મોકલી WhatsApp પર મેળવો અમારા ન્યુઝ, Start કરવા અહીં ક્લિક કરો

સામગ્રીઃ

પાનના ત્રણ પત્તા
2 ચમચી ગુલકંદ
1 ચમચી વરિયાળી
અડધી ચમચી એલચી પાડર
3 કેળા સમારેલા
300 મિ.લી દૂધ
2 ચમચી ખાંડ
ગ્રીન ફૂડ કલર (વૈકલ્પિક)
સજાવટ માટે ચેરી (વૈકલ્પિક)

સ્ટેપ 1

એક મિક્સર જારમાં પાનને સમારીને નાંખો. તેમાં વરિયાળી, એલચી પાવડર, ગુલકંદ અને કેળા નાંખી સરસ પેસ્ટ બનાવી લો.

સ્ટેપ 2

આ મિશ્રણમાં દૂધ નાંખી બરાબર હલાવો. તમે ઈચ્છો તો પેસ્ટમાં ગ્રીન રંગ ઉમેરી શકો છો.

સ્ટેપ 3

આ પેસ્ટને એક ટ્રેમાં નાંખો. ટ્રેમાં નીચે પ્લાસ્ટિક રેપ લગાવો જેથી આઈસ્ક્રીમ ચોંટે નહિ. ટ્રેને ઉપરથી બંધ કરી ફ્રીઝરમાં મૂકી દો.

સ્ટેપ 4

ચારથી પાંચ કલાકમાં આઈસ્ક્રીમ તૈયાર થઈ જશે. તેના સ્કૂપ કાઢી ચેરીથી સજાવી સર્વ કરો.

નોંધઃ

કેળા યુઝ કરો તો ક્રીમ યુઝ કરવાની જરૂર નથી. વળી પાનની ફ્લેવર સ્ટ્રોન્ગ હોય છે એટલે ઉપરથી કોઈ ફ્લેવર નાંખવાની જરૂર નથી.

from I Am Gujarat http://bit.ly/2DkpiDk