માર્કેટમાં આવશે થ્રી વ્હીલર્સ બાઈક, આવા ધાંસૂ છે ફીચર્સ

માર્કેટમાં આવશે NeoWing

ઓટો કંપની હોન્ડા મોટર્સે વર્ષ 2015માં ટોક્યો મોટર શોમાં થ્રી વ્હિલર્સ મોડેલ કોન્સેપ્ટ રજૂ કર્યો હતો. હવે કંપની માર્કેટમાં પોતાની થ્રી વ્હીલર્સ બાઈક NeoWing લાવી રહી છે. આ બાઈકના સ્ટેરિંગમાં આગળના બે વ્હિલને જોઈન્ટ આપવામાં આવ્યા છે. જ્યારે પાછળની તરફ રેગ્યુલર બાઈકની માફક એક વ્હીલ હશે. જે એન્જિન સાથે જોડાયેલું હશે. હોન્ડા ગોલ્ડ બાઈક વિંગમાં જે એન્જિનનો ઉપયોગ કરવામાં આવ્યો છે જે એન્જિન અહીં ફીટ કરવામાં આવ્યું છે.

યામાહા સાથે મળતી આવે છે

નિયવિંગનો કોન્સેપ્ટ અને પેટન્ટ યામાહાની બાઈક Yamaha Niken સાથે મળતી આવે છે. સ્પોર્ટ્સ બાઈકની જેમ યામાહાની આ બાઈકને 45 ડિગ્રી સુધી વાંકી વાળી શકાય છે. યામાહાની આ બાઈકમાં 874cc ઈનલાઈન થ્રી સિલિંડર મોટર આપવામાં આવી છે. જે 111.8bhp પાવર અને 87.5Nmનો ટોર્ક જનરેટ કરે છે. જ્યારે હોન્ડાની નવી થ્રી વ્હીલર્સ બાઈક 1833cc એન્જિન પર આધારિત હોઈ શકે છે. આ કંપની પ્રથમ વખત થ્રી વ્હીલર્સ બાઈક માર્કેટમાં મૂકી રહી છે.

આવો છે લુક

સ્ટાઈલ અને લુકની બાબતમાં આ બાઈક ખૂબ જ સરસ છે. શાર્પ અને એંગુલર લાઈન્સ પણ આપવામાં આવી છે. આ ઉપરાંત ક્રુઝર બાઈકની માફક સિટિંગ સ્ટાર્ટ પણ આપવામાં આવ્યું છે. આ સાથે LED લાઈટ્સ, અલોય વ્હીલ્સ, ડબર બેરલ એક્ઝોસ્ટ પણ આપવામાં આવ્યા છે. જોકે, આ બાઈક ક્યારે માર્કેટમાં આવશે અને લોન્ચ થશે તેની કોઈ પ્રકારની સ્પષ્ટતા કરવામાં આવી નથી. કંપની ટૂંક જ સમયમાં ઈન્ટરનેશનલ માર્કેટમાં આ બાઈક લોન્ચ કરશે.

માર્કેટમાં યામાહાને ટક્કર આપશે

યોગ્ય સમયે આ બાઈક માર્કેટમાં આવી તો યામાહાની બાઈકને તે ટક્કર મારશે. હાલમાં આ બાઈકના પ્રીમિયમ અને પ્રોડક્શન અંગે ચર્ચા ચાલી રહી છે. ક્યારે લોન્ચ થશે એ હાલમાં કહી શકાય એમ નથી. કંપની ઓછી ક્ષમતાવાળી અને સ્ટાઈલીશ બાઈક માર્કેટમાં મૂકવાનું વિચારી રહી છે.

 

from Automobile News in Gujarati, ઓટોમોબાઇલ ન્યૂઝ ગુજરાતીમાં, Latest Automobiles News – Page Array – I Am Gujarat http://bit.ly/2II2jWB