વધતી ઉંમર સાથે અમિતાભને છે આ વાતનો ઘોર અફસોસ

સૌથી સફળ એક્ટરમાંથી એક

બોલિવૂડના મેગાસ્ટાર અમિતાભ બચ્ચન છેલ્લા પચાસ દશકથી ફિલ્મ ઈન્ડસ્ટ્રીથી જોડાયેલા છે. આ દરમિયાન તેમણે એકથી એક હટકે સુપરહિટ ફિલ્મ્સ આપી છે. હાલ અમિતાભ બચ્ચન ભારતના સૌથી સફળ એક્ટરમાંથી એક છે. અમિતાભ પોતાની ઉંમરના આ પડાવે પણ ફિલ્મ્સમાં ખૂબ જ એક્ટિવ છે. ફિલ્મ્સ સાથે અમિતાભ બચ્ચન સોશ્યિલ મીડિયા પર પણ ખૂબ જ એક્ટિવ રહે છે.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

આ વાતનો છે અફસોસ

તાજેતરમાં જ અમિતાભ બચ્ચને પોતાના ફેસબુક એકાઉન્ટ પર પોતાની કેટલીક તસવીરો શૅર કરી હતી. આ તસવીરોમાં અમિતાભ માથા પર ગમછો નાખી તિલક અને ચંદન લગાવીને બેઠા છે. આ દેશી લુક વાળી તસવીરો સાથે અમિતાભ બચ્ચને લખ્યું છે કે,’ઢળતી ઉંમર સાથે એક વાતનો અફસોસ રહે છે કે ‘તૂ’ કહીને બોલાવનાર ઓછા થઈ જાય છે.’

‘બ્રહ્માસ્ત્ર’માં મળશે જોવા

જો વાત કરવામાં આવે કામની તો તાજેતરમાં અમિતાભ બચ્ચનની ફિલ્મ ‘બદલા’ રીલિઝ થઈ હતી. આ ફિલ્મમાં અમિતાભના રોલના ખૂબ જ વખાણ કરવામાં આવ્યાં હતાં. અમિતાભે હાલમાં જ પોતાના ગેમ શો ‘કૌન બનેગા કરોડપતિ’ની અપકમિંગ સીઝન વિશે પણ જણાવ્યું હતું. આ ઉપરાંત તે અયાન મુખર્જીના ડિરેક્શનમાં બની રહેલી ફિલ્મ ‘બ્રહ્માસ્ત્ર’માં પણ જોવા મળશે. આ ફિલ્મમાં તેની સાથે રણબીર કપૂર, આલિયા ભટ્ટ અને મૌની રોય મુખ્ય ભૂમિકાઓમાં જોવા મળશે.

from Entertainment News in Gujarati: Latest Entertainment News, Read Breaking Entertainment News – Page Array – I Am Gujarat https://ift.tt/2Umvtk1