એક્ટિંગ જ નહીં પણ ફેશન અને સ્ટાઈલના મામલે પણ પોપ્યુલર છે આયુષ્માન

સ્ટાઈલીશ છે આયુષ્માન

‘બધાઈ હો’, ‘અંધાધૂંન’ જેવી ફિલ્મમાં દમદાર એક્ટિંગથી લોકોના દિલને સ્પર્શ કરનારો આયુષ્માન તેની એક્ટિંગ જ નહીં પણ તેની સ્ટાઈલ અને ફેશનસેંસને કારણે ખૂબ પોપ્યુલર છે. તાજેતરમાં તેણે એક જાણીતા મેગેઝિન માટે ફોટોશુટ પણ કરાવ્યું હતું. ‘શુભમંગલ સાવધાન’, ‘બધાઈ હો’, ‘બરેલી કી બર્ફી’ અને ‘અંધાધૂંન’ જેવી ફિલ્મથી તેણે પોતાની દમદાર એક્ટિંગનો પુરાવો આપ્યો છે.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

આવી રહી છે આ ફિલ્મ

‘બરેલી કી બર્ફી’,’શુભમંગલ સાવધાન’,’અંધાધૂન’ અને ‘બધાઈહો’ જેવી ફિલ્મ બાદ હવે તે ‘આર્ટિકલ 15’ નામની ફિલ્મમાં એક અલગ અંદાજમાં જોવા મળશે. એક મેગેઝિન માટે કરાવેલા એક ફોટોશુટમાં તે એકદમ સ્ટાઈલીશ દેખાઈ રહ્યો છે. ફ્લોરલ પ્રિન્ટના શર્ટ અને બ્લેઝર સાથે તેણે બ્લુરંગના ગોગલ્સ પણ પહેર્યા છે. ઈશા ભંભાણી નામની ડિઝાઈનરે આ સ્ટાઈલીશ આઉટફીટ તૈયાર કર્યા છે. અગાઉ ક્યારેય આયુષ્માનનો આવો લુક જોવા મળ્યો નથી.

આવો પણ લુક

સમર સિઝન ચાલી રહી છે પણ આયુષ્માનના આ ફૂલસ્લીવ વુલ ટી-શર્ટને તેના ચાહકો શિયાળામાં ફોલો કરે તો નવાઈ નહી. આ ટ્રેન્ડને એપ્રિલના પ્રથમ અઠવાડિયામાં તૈયાર કરવામાં આવ્યો છે. આ સિવાય તેણે સમરલુક માટે પણ ચેનવાળા પાતળા કોટ અને ટી-શર્ટમાં એક ફોટોશુટ કરાવ્યું હતું. ફ્લોરલ પ્રિન્ટ અને અપરકોટમાં તે બેસ્ટ દેખાઈ રહ્યો છે. તેના સામાન્ય લુક કરતા તે ખૂબ અલગ દેખાઈ રહ્યો છે.

આ છે મુખ્ય થીમ

એપ્રિલમાં કરવામાં આવેલા આ ફોટોશુટની થીમ સમર રિસોર્ટ રાખવામાં આવી હતી. તેથી તેણે એક શાંત પ્લેસને પસંદ કરીને લાઈટ રંગો પર પસંદગી ઉતારીને આ ફોટોશુટ કરાવ્યું હતું. આ મેગેઝિનને એક ઈન્ટરવ્યૂમાં તેણે પોતાને મળેલી સફળતા અંગે પણ વાત કરી છે. આ ઉપરાંત કેન્સરની લડાઈ લડી રહેલ તાહિરા કશ્યપ અંગે પણ વાત કરી છે.

 

from Entertainment News in Gujarati: Latest Entertainment News, Read Breaking Entertainment News – Page Array – I Am Gujarat http://bit.ly/2OZTCbd