અમદાવાદમાં સ્ટ્રીટ ફૂડ ખાવા માટે આ છે બેસ્ટ જગ્યાઓ, તમે ટ્રાય કરી છે?

ખાવા-પીવાના શોખીનો માટે સ્વર્ગ છે અમદાવાદઃ

બીજા બધા શહેરોની જેમ અમદાવાદની પોતાની જ એક ફ્લેવર છે. ખાણીપીણીના શોખીનો માટે અમદાવાદ સ્વર્ગ છે. તમે અહીં ચાલતા જાવ તો ગલીએ ગલીએ તમને સ્વાદિષ્ટ ખાણીપીણીની દુકાનો કે સ્ટોલ મળી જશે. અમદાવાદની વિશેષતા એ છે કે અહીં દરેક ફૂડ આઈટમને અમદાવાદી ટચ આપવામાં આવે છે. જાણો અમદાવાદમાં સ્ટ્રીટફૂડ ખાવાની ઈચ્છા થાય તો કઈ કઈ જગ્યાઓ બેસ્ટ છે. જો આમાંથી એકેય ટ્રાય ન કરી હોય તો આ વીકેન્ડ પર ચોક્કસ ટ્રાય કરજો, અફસોસ નહિ થાય.

હવે એક મેસેજ મોકલી WhatsApp પર મેળવો અમારા ન્યુઝ, Start કરવા અહીં ક્લિક કરો

રિદ્ધિ સિદ્ધિના મિસળ પાંવઃ

પ્રહલાદનગર ગાર્ડન પાસે આવેલુ રિદ્ધિ સિદ્ધિ મિસળ પાંવ સેન્ટર અમદાવાદીઓમાં ખાસ્સુ ફેમસ છે. આમ તો આ એક મહારાષ્ટ્રીયન વાનગી છે પરંતુ તેનું ગુજરાતી વર્ઝન અમદાવાદમાં પોપ્યુલર બની ગયું છે. પ્રહલાદનગરમાં એક રેકડી પર તે વેચાય છે. તે બનાવનાર વ્યક્તિ મરાઠી છે અને તે પહેલા રસોઈયા તરીકે કામ કરતા હતા. અહીંના મિસળ પાંવ તમે આંગળી ચાટી ચાટીને ખાઈ જશો તેટલા ટેસ્ટી હોય છે. અહીં મિસળના ઠંડું અને ગરમ એમ બે વર્ઝન મળે છે. ઠંડુ ખાશો તો વધુ ઓથેન્ટિક ટેસ્ટ આવશે.

રસરંજનઃ

જેમ દિલ્હીમાં હલ્દીરામનો દબદબો છે તેમ અમદાવાદમાં રસરંજન છે. અહીં સ્ટ્રીટ ફૂડ જ મળે છે પણ તે એકદમ હાઈજિનિક વાતાવરણમાં તૈયાર કરવામાં આવેલુ હોય છે. અહીંની પાણીપુરી, ચાટ, ભાજીપાંવ, છોલેપૂરી ખાશો તો ટેસ્ટ જીવનભર નહિ ભૂલી શકો.

બોમ્બે સ્ટ્રીટ જોઈન્ટઃ

આ ફક્ત સાઉથ ઈન્ડિયન ફૂડ જોઈન્ટ નથી. લૉ ગાર્ડન વિસ્તારમાં આવેલા આ ફૂડ જોઈન્ટમાં સ્ટફિંગ પર ખાસ ધ્યાન આપવામાં આવે છે. તમને અહીં મેગી ઢોંસા, પિઝા ઉત્તપમ સહિતની અનેક અવનવી વાનગીઓ ખાવા મળશે. બોમ્બે સ્ટ્રીટ જોઈન્ટ મેઈન મુંબઈની છે પણ અમદાવાદમાં પણ તે ધૂમ મચાવી રહી છે.

ઓમ સાંઈ પરાઠાઃ

ઉદગમ સ્કૂલની સામે આવેલી આ જગ્યાએ તમે એકવાર પરોઠા ચાખશો તો તમને બીજે ક્યાંયના પરોઠા નહિ ભાવે. સ્ટ્રીટ ફૂડના ફિલ્ડમાં ઓમ સાંઈ પરાઠાનું ફૂડ ફાઈવસ્ટાર જેવું છે. તે ખૂબ જ હાઈજિનિક રીતે બનાવવામાં આવે છે અને સ્વાદ પણ એવો છે કે તમે વખાણતા ન થાકો. અહીંના 5 ઈન 1 અને ચીઝ પરોઠા ખૂબ જ વખણાય છે. અહીં ખાવા જવું હોય તો તમારે રિઝર્વેશન કરાવવું પડે. આ માતા-પિતા અને તેમના દીકરા દ્વારા ચલાવાય છે. અહીં તમે જે પણ ખાશો તે ફ્રેશ અને ખૂબ જ ટેસ્ટી હશે તે વાતની ગેરન્ટી છે.

ટલ્લી અમદાવાદઃ

ગુજરાત યુનિવર્સિટી એરિયામાં આવેલા આ ફૂડ જોઈન્ટનું નામ ટલ્લી એટલે રાખવામાં આવ્યું છે કારણ કે તેનું ફૂડ તમને નશો થઈ જાય તેટલું ટેસ્ટી હોય છે. તેની બધી ડિશના નામ પણ આવા ક્રિએટિવ જ છે. એગ્સની વેરાયટી ખાવાના શોખીનોએ આ જગ્યાની મુલાકાત જરૂર લેવી જોઈએ. ધ જંગલ કિંગ ફિશર એગ ડિશ સાથે બન અને ચટણી ખાશો તો જલસો પડી જશે. આ જગ્યા સાંજે 7થી 11 જ ખુલ્લી રહે છે.

અંબિકા દાળવડાઃ

દાળવડાનું નામ પડે એટલે અમદાવાદીઓના મોઢે પહેલું નામ અંબિકાનું જ આવે. અહીં જેટલા ટેસ્ટી દાળવડા તમને બીજે ક્યાંય ખાવા નહિ મડે. તેની સાથે વઘારેલા મરચાં અને ડુંગળી પણ આપવામાં આવે છે. અમદાવાદની મુલાકાત લેનાર દરેકે અંબિકાના દાળવડા ચોક્કસ ચાખવા જોઈએ.

કૌશલ ફૂડ કોર્ટઃ

જો ફૂલેલી સોફ્ટ સોફ્ટ ઈડલી અને ગરમાગરમ સાંભારના નામથી તમારા મોંમાં પાણી આવી જતું હોય તો આ જગ્યા તમારા માટે જ બની છે. પાલડીમાં એક બંગલામાં આવેલા કુશલ્સ ફૂડ કોર્ટમાં સાદુ પણ સુપર્બ સાઉથ ઈન્ડિયન ફૂડ ગુજ્જુ ટ્વિસ્ટ સાથે મળે છે. આ જગ્યા જાહેરાતથી નહિ પરંતુ માઉથ પબ્લિસિટીથી ફેમસ બની છે. અહીંના ચીઝ કોર્ન ઢોંા મિસ કરવા જેવા નથી.

7 ફૂડ્સઃ

વેજલપુર જેવા ઘોંઘાટિયા વિસ્તારમાં આ સાઉથ ઈન્ડિયન ફૂડ જોઈન્ટ સાવ જુદો જ તરી આવે છે. આ ફૂડ જોઈન્ટ એક સાઉથ ઈન્ડિયન કપલ જ ચલાવે છે અને અહંના મશરૂમ મસાલા ઢોંસા ખૂબ જ વખણાય છે. અહીં લિમિટેડ આઈટમ જ મળે છે પણ બધી ટેસ્ટમાં વખાણવાલાયક છે. તેઓ રાત્રે આઠથી 11 સુધી જ ઓપન રહે છે.

એમડોઝ કિચનઃ

NIDના સ્ટુડન્ટ્સની આ ફેવરિટ જગ્યા છે. તે તુલિપ ઈન અને તુલસી ટ્રાવેલ એજન્સી વચ્ચે નાની લેનમાં આવેલું છે. તિબેટિયન શેફ અને તેનો પરિવાર આ ફૂડ જોઈન્ટ ચલાવતા હોવાથી અહીંનો ટેસ્ટ ખાસ્સો ઓથેન્ટિક છે. મોમોઝ, થુકપા કે થાનટુક જેવી ડિશ ખાવી હોય તો અહીં પહોંચી જાવ. આ ફેમિલી અમદાવાદમાં માત્ર છ મહિના જ બિઝનેસ કરે છે પણ જ્યારે પણ તે આવે છે, બહાર લાંબી લાઈન લાગી જાય છે.

from Page Array – I Am Gujarat http://bit.ly/2IyKaug