સુરતઃ અપક્ષ ઉમેદવારનું ફોર્મ રદ્દ થતાં કલેક્ટર કચેરીમાં કર્યો આપઘાતનો પ્રયાસ

સુરતઃ લોકસભાની ચૂંટણી માટે ઉમેદવારી પત્રક ભર્યા બાદ ફોર્મ રદ થતા એક અપક્ષ ઉમેદવારે કલેક્ટર કચેરીમાં જ આપઘાતનો પ્રયત્ન કર્યો. હાલમાં તેને સારવાર માટે નવી સિવિલ હોસ્પિટલમાં ખસેડવામાં આવ્યો છે.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

મળી રહેલી વિગતો અનુસાર પુણા વિસ્તારમાં રહેતા શિવા ચાવડાએ સુરત લોકસભા બેઠક પર અપક્ષ તરીકે ફોર્મ ભર્યું હતું. કોઈ કારણોસર આ ફોર્મ રદ થતા શિવા ચાવડાએ કલેક્ટર કચેરીમાં અધિકારીઓ સાથે માથાકૂટ કરી. ત્યાર બાદ તેણે કલેક્ટર કચેરીમાં જ પોતાના હાથ પર ચપ્પાના ઘા મારી આત્મહત્યાનો પ્રયાસ કર્યો હતો. ઈજાગ્રસ્ત થયેલા શિવાને હાલ સારવાર માટે નવી સિવિલ હોસ્પિટલમાં ખસેડવામાં આવ્યો છે.

ઘટનાની જાણ થતા પોલીસના ઉચ્ચઅધિકારીઓ પણ સિવિલ હોસ્પિટલ પહોંચી વધુ પુછપરછ હાથ ધરી હતી. જેમાં શિવાએ એવું પણ કહ્યું કે તેને ફોર્મ ખેંચવા માટે ધમકીઓ પણ આપવામાં આવતી હતી. આત્મહત્યાનો પ્રયાસ શા માટે કર્યો તેવું પુછતા તેણે કહ્યું કે તેનું ફોર્મ રદ્દ થતા તેણે આ પગલું ભર્યું.

સુરત બેઠક પર ભાજપના સાંસદ દર્શના બેન જરદોશને રીપિટ કરવામાં આવ્યા છે. જ્યારે કોંગ્રેસમાંથી અશોક આધેવાળને તક આપવામાં આવી છે.

from Page Array – I Am Gujarat http://bit.ly/2I1LENW