ગુજરાતી ફિલ્મોથી નવા નવા કલાકારોને ચાન્સ મળી રહ્યો છેઃ કેતકી દવે

હવે આ સિરિયલમાં જોવા મળશે

ક્યોંકી સાંસ ભી… સિરિયલમાં દક્ષાનું પાત્ર અદા કરનાર કલાકાર કેતકી દવે હવે જાણીતી સિરિયલ મેરે સાઈમાં જોવા મળશે. આ સિરિયલમાં તેઓ એક મરાઠી મહિલાનું પાત્ર અદા કરી રહ્યા છે. સોની ટીવી પર આવતી આ સિરિયલને બહોળો પ્રતિસાદ મળી રહ્યો છે. એક ઈન્ટરવ્યૂમાં કેતકી દવેએ પોતાના પાત્ર અને ગુજરાતી ફિલ્મ ઉદ્યોગ વિશે દિલ ખોલીને વાત કરી છે. એટલું જ નહીં તેમણે  ગુજરાતી ફિલ્મ ‘પપ્પા તમને નહીં સમજાય’માં પણ બેસ્ટ કામ કર્યું છે.

કેવી રીતે મળ્યો આ રોલ?

પોતાના રોલ અંગે વાત કરતા તેઓ કહે છે કે, આ રોલ માટે મને પહેલેથી જ ઈચ્છા હતી. પછી આ સિરિલયમાંથી મને સામેથી ઓફર થઈ અને તે પાત્ર માટે મે હા પાડીને રોલ સ્વીકારી લીધો. આ સિરિયલમાં તે એક માતાનો રોલ પ્લે કરે છે. તેનો પુત્ર શીરડીમાં જઈને વિવાહ કરે છે. પછીથી સાઈ સંસારમાં આવતી મુશ્કેલીઓનો ઉકેલ લાવે છે. પોતાની વાત કરતે કેતકી કહે છે કે, જે રીતે ગુજરાતી કલ્ચર છે એ રીતે મરાઠી કલ્ચર છે. મારા મમ્મી મરાઠી છે એટલે વાત-ચીત કરતા ફાવે. અને આ સિરિયલમાં તો હિન્દીમાં છે. પણ એક સંસ્કૃતિથી વાકેફ હોય એટલે કોઈ વાંધો ન આવે. મરાઠી પાત્રને ભજવવાની એક અલગ જ મજા હોય છે. સિરિયલ કરવાની મને ખૂબ મજા આવી. સિરિયલનો અનુભવ ખૂબ અલગ છે.

ગુજરાતી ફિલ્મો વિશે

ગુજરાતી ફિલ્મોમાં જે રીતે પરિવર્તન આવ્યું છે તે આપણા માટે ખૂબ જ સારું છે. નવા નવા કલાકારોને સારો એવો ચાન્સ મળ્યો છે. ફરીથી ગુજરાતી ફિલ્મો ચાલવા લાગી અને એક આખો વર્ગ ઊભો થયો એ ખૂબ જ સારી વાત છે. ‘પપ્પા તમને નહીં સમજાય’ જેવી નવી નવી ફિલ્મો બની રહી છે. તો નવા નવા ડાયરેક્ટર અને એક આખી લોબીને એક ડેવલપ થવાનો ચાન્સ મળી રહ્યો છે. આ જ રીતે આ ક્ષેત્ર વિકસે તો બધા માટે સારુ છે. ગુજરાતી ફિલ્મોમાં બધુ મોર્ડનાઈઝ થઈ ગયું છે. જે ગીત બને છે તે અલગ છે અને જે વિષયો છે તે પણ અલગ છે. જે રીતે હિન્દી ફિલ્મો મોર્ડનાઈઝ થઈ છે એ રીતે ગુજરાતી થઈ છે. જે સોસાયટીને સીધી અસર કરે છે. ગુજરાતી સાહિત્ય પરથી ફિલ્મો તૈયાર થવી જોઈએ. ખૂબ સારી વાત છે આ.

ફિલ્મોમાં ગુજરાતી કલ્ચર

જે રીતે ગુજરાતી સાહિત્યમાં એક રસ છે તે રીતે ગુજરાતી સંસ્કૃતિને પણ સિનેસ્ક્રિન પર દર્શાવી શકાય છે. લોકોને કંઈક નવું જોઈએ છે અને તેઓ તે સ્વીકાર છે. આપણે કોઈ છીએ. કેવી સંસ્કૃતિ એની તો દરેકને ખબર હોવી જોઈએ. એમાંથી લોકોને કંઈક શીખવા મળતું હોય છે, પ્રેરણા મળતી હોય છે. આવી મુવી ખરેખર ચાલતી હોય છે. સમાચારોમાં તો બધું જ આવતું હોય છે પણ ફિલ્મોમાંથી એક પ્રેરણા મળવી જોઈએ.

સિરિયલમાં એક કલ્ચરની રજૂઆત

જ્યારે મે ક્યોંકી કરેલી ત્યારે પણ એક ગુજરાતી કલ્ચર બતાવવામાં આવેલું હતું. અમુક સિરિયલો પંજાબી કલ્ચર બાતવતી પછી શરુ થયું બંગાળી કલ્ચર દર્શાવતી સિરિયલ. હાલમાં ઘણી સિરિયલ એવી છે જે બંગાળી કલ્ચરની રજૂઆત કરે છે. તેના રીત-રિવાજ, ધાર્મિક તહેવારો અને જીવનશૈલીને દર્શાવે છે. સિરિયલો કલ્ચરની રજૂઆત તો કરે જ છે. જે રીતે ફિલ્મો કરે છે એ રીતે સિરિયલ કરે છે.

હવે પછી શું?

હવે પછી પ્લાનિંગમાં મારું એક નાટક ચાલી રહ્યું છે. અરરર દક્ષા તે તો કમાલ કરી. ખૂબ કોમેડી નાટક છે આ. આ નાટક લઈને અમેરિકા જવાનું પ્લાનિંગ છે. લંડન જવું છે. લોકોને પણ એન્ટરટેઈમેન્ટ જોઈતું હોય છે. અને મારે તેમને એ વસ્તુ આપવી છે. ફિલ્મોમાં પણ કામ કરવાની ઈચ્છા છે. સારા ડાયરેક્ટર સાથે કામ કરીશ. મારું એન્જોયમેન્ટ છે અને લોકોને ગમે છે એટલે બેસ્ટ આપીએ છીએ. જે સારું મળશે એ કરીશુ. અને જે સારું મળ્યું એ કર્યું છે. લાઈફમાં મે કોઈ પ્રાયોરિટી રાખી નથી. જે સારું મળશે એ કરીશ. મને ગમવું જોઈએ એટલે હું કામ કરું. જે વિષય ગમશે તેમાં કામ કરીશે.

ટીવી કે ફિલ્મ લાઈમાં દોડવાની જરુર નથી

નવા કલાકારો અને આ ક્ષેત્રે કેરિયર બનાવતા લોકો માટે હું એટલું જ કહીશ કે, જે રીતે ચાલતા શીખએ ત્યારે ધીમે ધીમે ચાલીએ છીએ. તો બસ ચાલતા રહેવાનું શીખતા રહેવાનું, પાયો મજબૂત હશે તો આગળ જતા વાંધો નહીં આવે. એક વખત ચાન્સ મળ્યા બાદ દોડવાની કોઈ જરુર નથી. સીધુ દોડવાની કોઈ જરુર નથી. જેમ જેમ અનુભવ થશે એમ ફાયદો થશે. લાંબા રેસના ઘોડા થવું હોય તો પાયો મજબુત હોવો જોઈએ. યુવાનોએ પોતાનો પાયો મજબુત કરવાની ખૂબ જરુર છે. બધુ ફાસ્ટ ફાસ્ટ કરવાની જરુર નથી. લક્ષ્ય નક્કી રાખવાનો પણ જે પગલાં ભરો તેને એન્જોય કરો અને તેને ધ્યાનમાં લો. ઉપર ચડવું છે તો નીચે પણ જોવાનું રાખો. શીખવું જોઈએ અને આગળ વધવું જોઈએ.

 

from TV News in Gujarati, Tellywood News in Gujarati, ટેલિવિઝડ ન્યૂઝ ગુજરાતીમાં, Latest Tellywood News – Page Array – I Am Gujarat http://bit.ly/2Vw5lDY