ઐશ્વર્યા રાય કરવા માગે છે આ કામ, આ વિશે બચ્ચન પરિવારે વિચાર્યું પણ નહીં હોય 😲

હવે, આ કામ કરવા માગે છે એક્ટ્રેસ

બોલિવુડની એક્ટ્રેસ હવે એક્ટિંગની સાથે સાથે ડાયરેક્શનમાં પણ હાથ અજમાવી રહી છે. અનુષ્કા શર્મા, દીપિકા પાદુકોણ, આલિયા ભટ્ટ પહેલાથી જ ફિલ્મ પ્રોડક્શન ફીલ્ડમાં ઉતરી ચૂકી છે. કંગના રનોટે પણ પોતાની ફિલ્મ ‘મણિકર્ણિકાઃ ધ ક્વીન ઓફ ઝાંસી’ માટે ડાયરેક્શન કર્યું હતુ. આ લિસ્ટમાં હવે વધુ એક નામ ઉમેરાયું છે, અને તે છે બચ્ચન પરિવારની વહુ અને એક્ટ્રેસ ઐશ્વર્યા રાય બચ્ચન.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

પ્રોડક્શનમાં હાથ અજમાવશે ઐશ્વર્યા

એક ઈન્ટરવ્યૂ દરમિયાન ઐશ્વર્યાએ કહ્યું કે, ‘હું કોઈ ફિલ્મનું ડાયરેક્શન કરવા માગુ છું. મે આ કામ કરવા માટે ક્યારેય ટાઈમ કે એનર્જી ખર્ચ્યા નથી. હવે મારે આ વિશે ગંભીરતાથી વિચારવું પડશે. મારા મિત્રો પણ હંમેશા મને પૂછે છે કે હું પ્રોડક્શન કે ડાયરેક્શનમાં કેમ ટ્રાય કરતી નથી. પોતાની ફિલ્મો કેમ નથી બનાવતી’.

‘આ વિશે ગંભીરતાથી વિચારી રહી છું’

ઐશ્વર્યા રાયે વધુમાં કહ્યું કે, ‘પ્રોડક્શનને લઈને ઘણી વાતો થઈ રહી છે. મને લોકો તરફથી આ અંગે રિસ્પોન્સ પણ મળી રહ્યા છે. હું ઘણા વર્ષોથી આ ઈન્ડસ્ટ્રીમાં કામ કરી રહી છું, અને મે હંમેશા એક ડેડીકેશનથી કામ કર્યું છે. હું શરૂઆતથી જ ટીમ પ્લેયર રહી છું. હું કોઈ ફિલ્મમાં કામ કરુ ત્યારે તે વાતનું ચોક્કસ ધ્યાન રાખું છું કે મારા કો-સ્ટાર્સ, ડાયરેક્ટર, પ્રોડ્યૂસર્સ સહિતના બધા સાથે કામ કરે’.

ફરીથી મા બનવાની હોવાની હતી ચર્ચા

ઐશ્વર્યા રાય છેલ્લે રાજકુમાર અને અનિલ કપૂર સાથે ફિલ્મ ‘ફન્ને ખાન’માં જોવા મળી હતી. થોડા દિવસ પહેલા દરીયા કિનારે પરિવાર સાથે વેકેશન માણતી ઐશ્વર્યાની તસવીરો વાયરલ થઈ હતી. તસવીરો પરથી ચર્ચા થઈ રહી હતી કે ઐશ્વર્યા ફરીથી મા બનવાની છે. જે બાદ તેના સ્પોકપર્સને કહ્યું હતું કે આ માત્ર અફવા છે અને તેવું કંઈ જ નથી. ખોટા કેમેરા એન્ગલના કારણે આમ થયું.

from Entertainment News in Gujarati: Latest Entertainment News, Read Breaking Entertainment News – Page Array – I Am Gujarat https://ift.tt/2JVqvac