ગુજરાતી ફિલ્મો ડિજિટલ પ્લેટફોર્મ પર રીલીઝ કરવાનો ટ્રેન્ડ, ઢોલીવુડ કરી રહ્યું છે ધૂમ કમાણી

ડિજિટલ પ્લેટફોર્મ પર રીલીઝઃ

શ્રુતિ જાંભેકર, અમદાવાદઃ સ્માર્ટફોન્સ અને સસ્તા ઈન્ટરનેટ તથા વાઈફાઈ પ્લાનને કારણે હવે ગુજરાતીઓ ઈન્ટરનેટ પર માત્ર હિન્દી કે ઈંગ્લિશ નહિ, ગુજરાતી ફિલ્મો પણ જોવા માંડ્યા છે. રિપોર્ટ અનુસાર ઓવર ધ ટોપ (ott) એન્ટરટેઈનમેન્ટ માટે ગુજરાત દેશમાં પાંચમું સૌથી મોટું માર્કેટ છે. મતલબ કે ઓનલાઈન વિડીયો સ્ટ્રીમીંગ પ્લેટફોર્મનો ઉપયોગ કરવામાં દેશમાં ગુજરાતીઓ પાંચમા ક્રમે છે. હવે TRAIના નવા નિયમો પછી DTH અને કેબલ ચેનલ્સ મોંધી થઈ જતા ઘણા વ્યુઅર્સ હવે OTT સ્ટ્રીમીંગ પ્લેટફોર્મ તરફ વળ્યા છે. ગ્રાહકો ફ્લેક્સિબલ પેમેન્ટના ઓપ્શન્સ શોધી રહ્યા છે ત્યારે OTT સારો વિકલ્પ છે. આ ઉપરાંત ગ્રાહકોને ચોઈસ પણ વધારે મળે છે.

હવે એક મેસેજ મોકલી WhatsApp પર મેળવો અમારા ન્યુઝ, Start કરવા અહીં ક્લિક કરો

આ ગુજરાતી ફિલ્મો રીલીઝ થઈઃ

રસપ્રદ વાત એ છે કે OTT પ્લેટફોર્મ હવે સ્થાનિક ભાષાના કન્ટેન્ટ પર ફોકસ કરી રહી છે અને ડી-ટાઉન મૂવીઝા ડિજિટલ રાઈટ્સ ખરીદી રહી છે. હાલમાં જ પોપ્યુલર ગુજરાતી ફિલ્મો સાહેબ, ઓર્ડર ઓર્ડર આઉટ ઓફ ઓર્ડર, ચલ મન જીતવા જઈએ, વિટામિન શી, ઓક્સિજન, ગુજ્જુભાઈ મોસ્ટ વોન્ટેડ, ચોર બની થનગાટ કરે, શરતો લાગુ ડિજિટલ પ્લેટફોર્મ પર આવી છે. આમાં ગુજરાતી ફિલ્મો અને ડિજિટલ પ્લેટફોર્મ બંને માટે વિન-વિન સિચ્યુએશન ઊભી થઈ છે. ઓનલાઈન પ્લેટફોર્મ્સે 25 લાખથી 80 લાખની તગડી કિંમતે ગુજરાતી ફિલ્મોના રાઈટ્સ ખરીદી લીધા છે.

ગુજરાતી ફિલ્મોને ફાયદોઃ

ફિલ્મ મેકર રાહુલ ભોલેએ જણાવ્યું, “ગુજરાતી ફિલ્મોને ડિજિટલ સ્પેસમાં એન્ટ્રી માર્યે હજુ થોડો જ સમય થયો છે ત્યાં ઢોલીવુડનો ડિજિટલ રેવન્યુ શેર દિવસે દિવસે વધતો જાય છે. ડિજિટલ સ્પેસમાં જે નવી બ્રાન્ડ આવી રહી છે તે ગુજરાતી ફિલ્મો ખરીદવા ઉત્સુક છે. આ ગુજરાતી ફિલ્મ ઈન્ડસ્ટ્રી માટે સારી નિશાની છે. તેને કારણે ફિલ્મ મેકર્સ માટે પણ કમાવાની નવી તકો ઊભી થશે. અત્યારે ગુજરાતી ફિલ્મો માત્ર થિયેટર અને સેટેલાઈટ રાઈટ્સની કમાણી પર નભે છે જે પૂરતી નથી. ઈન્ડસ્ટ્રીએ કમાણી માટે રેવન્યુના નવા માધ્યમ શોધવા જરૂરી છે. આ કારણે ઈન્ડસ્ટ્રી વધુ કમાણી કરશે જેને કારણે ફિલ્મોની પ્રોડક્શન ક્વોલિટી પણ સુધરશે.”

રેવન્યુ વધીઃ

દર્શકો ગુજરાતી ફિલ્મો જોવા જલ્દી થિયેટરમાં ન જતા હોવાથી ઘણી ફિલ્મોને બોક્સ ઑફિસ પર સફળતા મેળવવા સંઘર્ષ કરવો પડે છે. ડિજિટલ રીલીઝે કારણે તેમને સારી એવી આવક થાય છે. એક્ટર મલ્હાર ઠાકર જણાવે છે, “મારી ફિલ્મ સાહેબ હાલમાં જ જાણીતા ડિજિટલ પ્લેટફોર્મ પર રીલીઝ થઈ હતી. અમને બોક્સ ઑફિસ પર સારુ કલેક્શન ન મળ્યું પરંતુ અમારી ફિલ્મને ડિજિટલ સ્પેસ પર સારો રિસ્પોન્સ મળી રહ્યો છે. જાણીતી ફિલ્મો માટે આ પ્લેટફોર્મ્સ 60થી 80 લાખ ચૂકવવા પણ તૈયાર થઈ જાય છે. આ અમને નફો કરવામાં મદદ કરે છે અને બોક્સ ઑફિસ કલેક્શન નબળું હોય તો ખોટ રિકવર કરવામાં પણ સહાયરૂપ બને છે.”

ગ્લોબલ ઓડિયન્સ મળે છેઃ

ફિલ્મ મેકર ધ્વનિ ગૌતમ જણાવે છે, “OTTને કારણે ગુજરાતી ફિલ્મોને જે બૂસ્ટ જોઈએ છે તે મળી રહેશે. ગુજરાતમાં સેટેલાઈટ રાઈટ્સ કરતા કોપીરાઈટની કિંમત ત્રણથી ચાર ગણી વધારે છે. આ કારણે એવા ઘણા ફિલ્મમેકર્સને ફાયદો થશે જેને થિયેટરમાં ઓડિયન્સ ન મળ્યું હોય.” વળી આવા પ્લેટફોર્મને કારણે આખી દુનિયાના લોકો ગુજરાતી ફિલ્મો જોઈ શકે છે. ડિરેક્ટર મિખિલ મુસલે જણાવે છે, “કોઈપણ ફિલ્મને વધુ દર્શકો સુધી પહોંચવું હોય તો થિયેટર, ઓવરસીઝ રીલીઝ, સેટેલાઈટ બ્રોડકાસ્ટ, વિડીયો સ્ટ્રીમીંગ પ્લેટફોર્મ્સ જોઈએ. ગુજરાતી ફિલ્મોને હજુ વિદેશમાં રીલીઝ થતા વાર લાગશે પરંતુ OTTને કારણે અમે અત્યાર સુધી ન પહોંચી શક્યા હોઈએ તે ઓડિયન્સને પણ આકર્ષી શકીએ છીએ. સ્થાનિક મૂવીઝ સબટાઈટલ સાથે રીલીઝ થતી હોવાથી અમે ન માત્ર NRG પણ સાથે સાથે નોન-ગુજરાતી ઓડિયન્સને પણ અમારી ફિલ્મ જોવા આકર્ષી શકીએ છીએ.”

from Entertainment News in Gujarati: Latest Entertainment News, Read Breaking Entertainment News – Page Array – I Am Gujarat http://bit.ly/2DcGwm8