ચૂંટણી ફરજથી બચવા ગજબ બહાનું, ‘સર! હું ખૂબ જાડી છું, પ્લિઝ મારી ડ્યુટી કેન્સલ કરી દો..’

ચૂંટણી ફરજથી બચવા નીતનવા બહાના

લખનૌઃ લોકસભા ચૂંટણીમાં ફરજથી બચવા માટે સરકારી કર્મચારી અનેક પ્રકારના બહાના તૈયાર કરતા હોય છે. ભારત જેવડા મોટા દેશમાં લોકસભાની ચૂંટણીની કાર્યવાહી લગભગ 2 મહિના જેટલી ચાલે છે. ત્યારે મોટાભાગે આરામની નોકરી કરવા ટેવાયેલા કેટલાક કર્મચારીઓને આ ચોવીસ કલાક જવાબદારી અને દોડભાગની ડ્યુટી આકરી લાગતી હોય છે જેને લેઈને તેઓ નીતનવા બહાના બનાવતા હોય છે. જેમ કે કોઈએ અચાનક યુરિક એસિડ વધી ગયું હોવાનું જણાવ્યું તો કોઈએ લોહી જામી જવાના કારણે એક પગલું પણ ચાલી નથી શકતો તેવું બહાનું આપ્યો. પરંતુ એક બેંક કર્મચારીએ તો એવું પણ બહાનું આપ્યું કે હું ખૂબ જાડી છું માટે પ્લિઝ મારી ચૂંટણી ડ્યુટી કેન્સલ કરી દો….

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

આવા પણ કરે છે કર્મચારીઓ

બેંકની એક કર્મચારીને લોકસભા ચૂંટણીમાં પીઠાસીન અધિકારી બનાવાઈ છે. જેને લઈને તે પોતે જ ગુરુવાર સવારે એડીએમ ફાઇનાન્સની ઓફિસમાં પહોંચી ગઈ અને કહ્યું કે, ‘સર, તમે જ જોઈ લો હું કેટલી જાડી છું. હવે આટલા વજન સાથે કઈ રીતે ચૂંટણી ફરજ નિભાવી શકું. પ્લીઝ મારી ડ્યુટી કેન્સલ કરી દો…’

અધિકારીઓને મળી રહ્યા છે નવા નવા બહાના

ચૂંટણી ડ્યુટીમાંથી રાહત માટે આવા અનેક કર્મચારી જુદા જુદા બહાના સાથે કલેક્ટર ઓફિસ પહોંચી રહ્યા છે. જે અંગે ઉચ્ચ અધિકારીએ કહ્યું કે, તમામ લોકો પોતાની અરજી આપી શકે છે. ત્યારબાદ તેમના આરોગ્યની તપાસ મેડિકલ બોર્ડ દ્વારા કરવામાં આવશે અને તેમના રિપોર્ટ મુજબ ડ્યુટી સોંપવામાં આવશે.

ગ્રામ્ય વિસ્તારોમાં પણ ડ્યુટી ન આપવા અરજી

ADM દ્વારા જ્યારે મેડિકલ તપાસની વાત કરવામાં આવી અને સાથે સાથે એમ કહેવામાં આવ્યું કે જો કોઈ બહાના હેઠળ ફરજ અને ટ્રેનિંગથી દૂર ભાગ્યા તો કાયદેસર કાર્યવાહી કરવામાં આવશે કે તરત જ આવા બહાનાબાજ કર્મચારીઓએ કહ્યું હતું કે તો પછી રહેવા દો સર, મેડિકલ બોર્ડના ચક્કર મારવા કરતા અમે ફરજ પર હાજર રહેશું પરંતુ પ્લિઝ ગામડામાં ફરજ માટે ન મોકલતા.

from Page Array – I Am Gujarat http://bit.ly/2v64kUd