એપેન્ડિક્સઃ આ લક્ષણોને અવગણવા તમને ભારે પડી શકે છે

એપેન્ડિક્સની તકલીફઃ

એપેન્ડિક્સ આપણા આંતરડાનો નાનકડો ભાગ છે જે એક પાતળી નાનકડી ટ્યુબ સમાન હોય છે. તેની લંબાઈ 2થી 3 ઈંચની હોય છે. તેમાં બે છેડા હોય છે એક બંધ અને એક ખુલ્લો. જો ખુલ્લા છેડામાંથી ક્યારેય ભોજન એપેન્ડિક્સની અંદર જતુ રહે તો બંધ છેડામાંથી બહાર નથી આવી શકતું જેને કારણે એપેન્ડિક્સમાં ઈન્ફેક્શન થવા માંડે છે અને પેટમાં ખૂબ જ દુઃખાવો શરૂ થઈ જાય છે. એવામાં અમે તમને એપેન્ડિક્સના સામાન્ય લક્ષણો વિષે જણાવવા જઈ રહ્યા છીએ જેનાથી તમને ખ્યાલ આવશે કે ક્યાંક તમારા પેટનો દુઃખાવો એપેન્ડિક્સ સાથે જોડાયેલો તો નથી ને.

પેટમાં દુઃખાવાની જગ્યા વારંવાર બદલાવીઃ

આમ તો પેટના નીચેના ભાગમાં દુઃખાવાના બીજા અનેક કારણ હોઈ શકે છે પરંતુ જો તમને પેટનો દુઃખાવો એપેન્ડિક્સ સિવાયના બીજા કારણે હશે તો તમને એક જ જગ્યાએ દુઃખાવો થશે. પરંતુ જો પેટમાં થતા દુઃખાવાનું લોકેશન બદલાયા કરતું હોય અને પેટના દુઃખાવાની તીવ્રતા અમુક જ કલાકોમાં સહનશક્તિથી બહાર થઈ જતી હોય તો તે દુઃખાવાનું કારણ એપેન્ડિક્સ હોઈ શકે છે.

પેટમાં વધુ ગેસ બનવોઃ

આમ તો રાજમા, દાળ, ભાત, બ્રોકલી, કોબી કે ડેરી પ્રોડક્ટના સેવનથી પણ પેટમાં ગેસ બનવા માંડે છે. પરંતુ જો તમને પેટમાં ગેસ સાથે સાથે પેટમાં દુઃખાવો થતો હોય, ગેસ પાસ કર્યા પછી પણ આરામ ન અનુભવાતો હોય તો તે એપેન્ડિક્સનું લક્ષણ હોઈ શકે છે.

કબજિયાત અને ડાયેરિયા એક સાથેઃ

જો તમને પેટ સાફ ન આવતું હોય તો કબજિયાતની સમસ્યા હોઈ શકે છે અને ક્યારેક ક્યારેક ડાયેરિયા થઈ જતા હોય તો આ એપેન્ડિક્સની સમસ્યા હોઈ શકે છે. ડોક્ટરની માનીએ તો તેના લક્ષણ વ્યક્તિ દીઠ જુદા જુદા હોઈ શકે છે.

ઉલ્ટી અને ચક્કરઃ

જો કોઈ વ્યક્તિને એપેન્ડિક્સની તકલીફ હોય તો તેને નિશ્ચિત રૂપે પેટમાં દુઃખાવા સાથે સાથે ઉલ્ટી અને ચક્કરની સમસ્યા પણ શરૂ થઈ જશે.

શારીરિક હલન ચલનમાં તકલીફઃ

એપેન્ડિક્સનો દુઃખાવો એવો નથી કે પથારીમાં પડ્યા રહો તો ગાયબ થઈ જાય. આ દુઃખાવો સતત અનુભવાય છે અને શારીરિક હલનચલનથી વધી જાય છે. આટલું જ નહિ, ઉધરસ કે છીંકથી પેટમાં દુઃખાવો વધુ તેજ થઈ જાય છે.

from Health News in Gujarati: Latest Health News, Read Breaking Health News on Iamgujarat.com – Page Array – I Am Gujarat http://bit.ly/2GzJS4Y