‘સીતા’નો રોલ કરનાર આ એક્ટ્રેસને એક સમયે કરવી પડી હતી બી ગ્રેડની ફિલ્મો

ટીવી શો ‘રામાયણ’માં સીતાનું પાત્ર ભજવ્યું હતું

પોપ્યુલર ટીવી શો ‘રામાયણ’માં સીતાનું પાત્ર ભજવનાર એક્ટ્રેસ દિપીકા ચિખલિયાનો તારીખ 29 એપ્રિલના રોજ જન્મદિવસ છે. તેણે ટીવી સિરિયલ ‘રામાયણ’માં ભજવેલા સીતાના પાત્રનો એવો પ્રભાવ પડ્યો હતો કે લોકો દિપીકા ચિખલિયાને દેવીની માફક પૂજવા લાગ્યા હતા. તેણે એક્ટર રાજેશ ખન્નાની સાથે કુલ 3 હિટ ફિલ્મોમાં કામ કર્યું છે.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

શરૂઆતમાં બી ગ્રેડ ફિલ્મોમાં કામ કર્યું હતું

વર્ષ 2017માં દિપીકા ચિખલિયાએ 25 વર્ષ બાદ ફરી વખત ટીવીમાં એન્ટ્રી કરી હતી. દિપીકા ચિખલિયા ટીવી સહિત અનેક બોલિવૂડ ફિલ્મોમાં કામ કરી ચૂકી છે. તેણે કરિયરના શરૂઆતના સમયમાં બી ગ્રેડ ફિલ્મોમાં કામ કર્યું હતું. પરંતુ, ‘રામાયણ’ સિરિયલમાં સીતાનું પાત્ર ભજવ્યા બાદ દિપીકા ચિખલિયાએ ક્યારેય બી ગ્રેડની ફિલ્મોમાં કામ કર્યું નથી. તે ગુજરાતી ફિલ્મોમાં નરેશ કનોડિયા સાથે પણ કામ કરી ચૂકી છે.

બી ગ્રેડની આ ફિલ્મોમાં કામ કરી ચૂકી છે

દિપીકા ચિખલિયાએ વર્ષ 1983માં ફિલ્મ ‘સુન મેરી લેલા’થી તેની ફિલ્મી સફર શરૂ કરી હતી. તેણે ‘ચીખ’, ‘રાત કે અંધેરે મેં’, ‘નાંગલ’ (તમિલ) જેવી બી ગ્રેડની હોરર ફિલ્મોમાં પણ એક્ટ્રેસ તરીકે કાર્ય કર્યું છે. આ ફિલ્મોમાં બોલ્ડ સીન ભજવવામાં પણ દિપીકા ચિખલિયાને કોઈ સંકોચ થયો નહોતો. દિપીકા ચિખલિયાએ હેમંત ટોપીવાલા સાથે લગ્ન કર્યા હતા. તેઓને બે પુત્રી છે.

from TV News in Gujarati, Tellywood News in Gujarati, ટેલિવિઝડ ન્યૂઝ ગુજરાતીમાં, Latest Tellywood News – Page Array – I Am Gujarat http://bit.ly/2GHuWk5