જીવનદાતા બન્યા આ વૃદ્ધા
એક જાણીતી વીમા કંપનીની ટેગલાઈન ‘ઝીંદગી કે સાથ ભી, ઝીંદગી કે બાદ ભી’ ભાવનગરની એક વૃદ્ધા માટે યર્થાથ છે. તેમણે પોતના મૃત્યું બાદ અંગદાન કરીને બીજા પાંચ લોકોને નવું જીવન આપ્યું છે. ભાવનગરના 62 વર્ષના ભાવનાબેન સવાણીએ પોતાની બે કિડની, લીવર અને બંને આંખ દાનમાં આપી દીધી છે. જેના કારણે પાંચ જરુરિયાતમંદ લોકોના આયુષ્યમાં વધારો થયો છે. અંગદાન કરીને ભાવનાબેન ખરા અર્થમાં આ પાંચ લોકો માટે જીવનદાતા બન્યા છે.
હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો
અમદાવાદમાં થયું ઓપરેશન
જ્યારે શરીરમાં કોઈ અંગ ખરાબ હોય ત્યારે શું અને કેવું અનુભવાય તે અંગે આ ભાવનાબેનનો પરિવાર એ ગંભીરતા સમજે છે. ભાવનગરના ઉમરાણા તાલુકાના ભોજાવદર ગામના રહેવાસી છે. જેમને તેમના અંગદાનનો લાભ મળ્યો છે તે, અશોક ભુરિયા (ઉ.વ.44) તે દાહોદના છે અને તેમને કિડની મળી છે. જ્યારે લખન સંખલા (ઉ.વ.26) તેઓ રાજસ્થાનના ખંડેલાના છે તેમને પણ કિડની મળી છે. જ્યારે સુરતના 51 વર્ષના ઘનશ્યામ ઘરંભાને લીવર મળતા આ લોકોના આયુષ્યમાં નોંધપાત્ર વધારો થયો છે. ડૉ. પ્રાંજલ મોદી અને ડૉ. જમાલ રિઝવીએ અમદાવાદમાં તેમનું ઓપરેશન કર્યું હતું.
કેવી રીતે બન્યુ આ?
ભાવનાબેનનું આકસ્મિક સંજોગોમાં મૃત્યું થયું છે. રવિવારે તેઓ સંબંધીને ત્યાં કોઈ ધાર્મિક ફંક્શન હોવાથી ત્યાં ગયા હતા. તેઓ ત્યાં પડી ગયા અને તેમના મોઢામાંથી ફીણ નીકળવા લાગ્યા. આમ થતા તેમને સારવાર અર્થે પીપી સવાણી હોસ્પિટલ ખસેડવામાં આવ્યા અને સીટી સ્કેન પણ કરવામાં આવ્યું. માથાના ભાગે કોઈ ગંભીર ઈજા પહોંચી હોવાનું તબીબોએ કારણ આપ્યું. સોમવારે વધુ સારવાર માટે INS હોસ્પિટલ લઈ જવાયા જ્યાં બ્રેઈનડેડને કારણે મોત થયાનું જાહેર કરાયું.
NGOએ કહી આ વાત
સુરતના ડોનેટ લાઈફ NGOએ પરિવારજનોનું કાઉન્સેલિંગ કર્યું. આ પછી પરિવારજનો આ માટે સહમત થયા. NGOના હેડ નિલેશ મંડલેવાલાએ જણાવ્યું કે, પરિવાર આ અંગદાનનું મહત્ત્વ અને ગંભીરતા સમજે છે. પરિવારના જ એક સભ્ય પુરુષોત્તમ સવાણી પણ પોતાનો મૃતદેહ દાન કરવા માગતા હતા પણ તેઓ કરી ન શક્યા. કારણ કે તેમનું એક અકસ્માતમાં મૃત્યું થયું હતું. જ્યારે IKDRCએ તેમનું લીવર અને કિડની સ્વીકારી, લોક દ્રષ્ટિ આઈ બેન્કે તેમની આંખનો સ્વીકાર કર્યો છે. હાર્ટ ટ્રાંસપ્લાનટ માટે તેમનું હ્દય ખૂબ નબળું હતું.
from I Am Gujarat http://bit.ly/2v7hrVd
No comments:
Post a Comment