ફિલ્મના શૂટિંગ વખતે આ હાનિકારક પદાર્થોનું સેવન કરતો હતો શાહિદ કપૂર

ફિલ્મના શૂટિંગ વખતે શાહિદે ઘણી સિગારેટો ફૂંકી

બોલિવૂડ એક્ટર શાહિદ કપૂર હાલ તેની આગામી ફિલ્મ ‘કબિર સિંહ’નું શૂટિંગ કરી રહ્યો છે. આ ફિલ્મમાં તે એક દારૂના વ્યસની સર્જન (ડૉક્ટર)ના રોલમાં જોવા મળશે. આ ફિલ્મમાં શાહિદ કપૂરને નશો કરતો પણ દેખાડવામાં આવ્યો છે. માટે આ ફિલ્મના શૂટિંગ વખતે તેણે ઘણી સિગારેટો ફૂંકી છે.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

શરીરમાંથી સિગારેટની વાસ ના મારે એટલે…

શાહિદ કપૂરે જણાવ્યું કે તે સ્મોકિંગને સહેજ પણ પ્રોત્સાહન આપતો નથી પણ ફિલ્મના પાત્રમાં ઢળવા માટે તેણે શૂટિંગ દરમિયાન સ્મોકિંગ કર્યું. તે દિવસનો 20 સિગારેટ પીતો હતો અને શરીરમાંથી સિગારેટની વાસ ના મારે એટલે ફિલ્મના સેટથી ઘરે જતા પહેલા 2 કલાક નહાતો હતો.

તેલુગુ ફિલ્મ ‘અર્જુન રેડ્ડી’ની હિન્દી રિમેક છે

આ ફિલ્મનું મોટાભાગનું શૂટિંગ મુંબઈમાં થઈ રહ્યું છે ત્યારબાદ દિલ્હી અને મસૂરીમાં પણ આ ફિલ્મનું શૂટિંગ થશે. આ ફિલ્મમાં શાહિદ કપૂરની સાથે કિયારા અડવાણી જોવા મળશે. આ ફિલ્મ વર્ષ 2017માં આવેલી તેલુગુ ફિલ્મ ‘અર્જુન રેડ્ડી’ની હિન્દી રિમેક છે.

from Entertainment News in Gujarati: Latest Entertainment News, Read Breaking Entertainment News – Page Array – I Am Gujarat http://bit.ly/2X6SyoJ