દીકરો ગે હતો, માતાએ સરોગસીથી આપ્યો દીકરાની દીકરીને જન્મ 😲

દાદીએ આપ્યો પૌત્રીને જન્મઃ

અમેરિકાના નેબ્રાસ્કામાં એક ગે કપલ હાલ પેરેન્ટહૂડનો આનંદ માણી રહ્યું છે. વાસ્તવમાં આ ગે કપલના જીવનમાં બાળકનું આગમન થાય એટલે એક પાર્ટનરની માતાએ સેરોગસીના માધ્યમથી બાળકને જન્મ આપવાનું નક્કી કર્યું હતું. માર્ચના છેલ્લા અઠવાડિયામાં 61 વર્ષની આ મહિલાએ સ્વસ્થ દીકરીને જન્મ આપ્યો હતો. મેથ્યુ એલેજ અને એલિયટ ડોઘરટી અત્યારે ઉમા લૂઈસ નામની સુંદર બાળકીના પિતા બની ગયા છે. તેમણે આ સમગ્ર અનુભવને ખૂબ જ આનંદદાયક ગણાવ્યો હતો.

હવે એક મેસેજ મોકલી WhatsApp પર મેળવો અમારા ન્યુઝ, Start કરવા અહીં ક્લિક કરો

આ રીતે માતાએ ધારણ કર્યો ગર્ભઃ

મેથ્યુ અને એલિયટ 2015માં લગ્નગ્રંથિથી જોડાયા હતા. મેથ્યુનીની 60 વર્ષની માતા અને એલિયટની 26 વર્ષની બહેન બંનેએ તેમને સંતાન આપવા માટે મદદ કરવાની ઈચ્છા દર્શાવી હતી. એલિયટની બહેનના ડોનેટ કરેલા એગ્સ અને મેથ્યુના સ્પર્મથી બનેલા એમ્બ્રયોને સરોગટ સ્ક્રીંનીંગની આકરી પ્રક્રિયા બાદ મેથ્યુની માતા સેસિલ એલેજના ગર્ભાશયમાં ઈમ્પ્લાન્ટ કરવામાં આવ્યું હતું.

60 વર્ષની ઉંમરે ફરી પ્રેગનેન્ટ બનીઃ

સેસિલ એલેજને મોનોપોઝ આવી ગયા હતા. તેમણે સપને પણ નહતું વિચાર્યું કે તે સરોગેટ માતા બનવા માટે સક્ષમ છે. પરંતુ ડોક્ટરોએ કહ્યું કે સફળતા એગ્સની હેલ્થ પર નભે છે, ગર્ભાશયની ઉંમર પર નહિ. સેસિલે 60 વર્ષ સુધી પોતાની જાતને ડાયટ અને કસરતથી શેપમાં અને સ્વસ્થ રાખી હોવાથી તે આટલી મોટી ઉંમરે પણ સેરોગેટ માતા બની શક્યા હત. આ જ કારણે તેમનું શરીર મોટી ઉંમરે પણ પ્રેગ્નેન્સીની પીડા સહન કરી શક્યું હતું.

સ્વસ્થ બાળકીને આપ્યો જન્મઃ

25 માર્ચે તેમણે દીકરીને જન્મ આપ્યો હતો જેનું વજન 2.32 કિલો જેટલું હતું. તેમને પ્રેગનેન્સી કે બાળકને જન્મ આપવામાં કોઈ મેડિકલ કોમ્પ્લિકેશન્સનો સામનો કરવો પડ્યો નહતો. પરિવારજનો અને મિત્રો તરફથી તેમને ખૂબ જ સપોર્ટ મળ્યો હતો. આટલું જ નહિ, તેમણે આ પ્રેગનેન્સીમાં અગાઉ કરતા વધારે ધ્યાન રાખ્યું હતું, ડોક્ટરના કહેવા પર કૉફી પીવાનું પણ છોડી દીધું હતું.

બાળકીને આ રીતે મળશે માતાનું દૂધઃ

પેરેન્ટ્સ બનનારા ગે કપલને લોકોનો સારો સપોર્ટ મળી રહ્યો છે. તેમની નાનકડી બાળકીને એક ફ્રેન્ડ બ્રેસ્ટ મિલ્ક પણ ડોનેટ કરી રહી છે જેથી તેનો સારો ઉછેર થઈ શકે. કહેવું પડે, મેડિકલ સાયન્સે આજની તારીખે કંઈપણ શક્ય બનાવી દીધું છે.

from Page Array – I Am Gujarat http://bit.ly/2Z7Hqd3