અંબાણી પરિવારના સભ્યો વિશેની આ વાતો તમને નહીં ખબર હોય

અંબાણી પરિવારની અજાણી વાતો

અંબાણી પરિવારનો મોટો પુત્ર અને બિઝનેસમેન મુકેશ અંબાણી આજે 62મો જન્મદિવસ ઉજવી રહ્યા છે. ધીરૂભાઈ અંબાણીએ બંને દીકરા અનિલ અંબાણી અને મુકેશ અંબાણી સાથે મળીને પોતાના સપનાને સાકાર કર્યા હતા. 500 રૂપિયાથી બિઝનેસની શરૂઆત કરનાર અંબાણી પરિવાર પાસે 50 અરબ ડોલરની સંપત્તિ છે.

કોકિલાબેન અંબાણી

કોકિલાબેન અંબાણી, અંબાણી પરિવારનના સૌથી મોટા અને વડીલ સભ્ય છે. તે ખૂબ જ ધાર્મિક છે. કોકિલાબેન મૂળ ગુજરાતના જામનગરના વતની છે. તેમણે પોતાનો અભ્યાસ પણ ગુજરાતી શાળામાં કર્યો હતો. ઘીરૂભાઈ અંબાણી સાથે લગ્ન કર્યા બાદ તેઓ મુંબઈ શિફ્ટ થયા હતા. જ્યાં ધીરૂભાઈ અંબાણીએ કોકિલાબેનને અંગ્રેજી શીખવા માટે કહ્યું. એક ટ્યુટર ઘરમાં બાળકોને ભણાવવા માટે આવતો હતો કોકિલાબેને તેની પાસેથી અંગ્રેજીનું જ્ઞાન લીધું હતું. ધીરૂભાઈના મનમાં પોતાની પત્ની માટે એટલું માન હતું કે તેઓ દરેક કામમાં કોકિલાબેનનો સમાવેશ કરતા હતા.

મુકેશ અંબાણી

મુકેશ અંબાણી રિલાયન્સ ઈન્ડસ્ટ્રીના ચેરમેન અને કંપનીના સૌથી મોટા શેર હોલ્ડર છે. આ સિવાય તેઓ ઈન્ડિયન પ્રીમિયર લીગની ટીમ મુંબઈ ઈન્ડિયન્સના માલિક પણ છે.

નીતા અંબાણી

નીતા અંબાણી મુકેશ અંબાણીના પત્ની છે. નીતા અંબાણી ઈન્ટરનેશનલ સ્કૂલના સંસ્થાપક અને ચેરપર્સન પણ છે. આ સિવાય તેઓ મુંબઈ ઈન્ડિયન્સ ક્રિકેટ ટીમના કો-ઓનર પણ છે. આ સિવાય તેઓ રિલાયન્સ ઈન્ડસ્ટ્રીઝ અને નેશનલ એસોસિએશન ઓફ બ્લાઈન્ડની દ્રષ્ટિ નામના એક એનજીઓ સાથે પણ જોડાયેલા છે. વર્ષ 2010માં નીતાએ રિલાયન્સ ફાઉન્ડેશન નામના ચેરિટેબલ ટ્રસ્ટની સ્થાપના કરી હતી. આ દેશનો સૌથી મોટો પ્રાઈવેટ ચેરિટેબલ ટ્રસ્ટ છે.

ઈશા અંબાણી

ઈશા અંબાણીની એક વર્ષની કમાણી 4710 કરોડ રૂપિયા છે. ઈશા માત્ર 16 વર્ષની ઉંમરે રિલાયન્સ ઈન્ડસ્ટ્રીઝમાં 80 મિલિયન ડોલર્સના શેરની માલિક હતી. ઈશા રિલાયન્સની ટેલીકોમ અને રિટેલ કંપનીઓની ડાયરેક્ટર છે. ઈશાની દેખરેખમાં જિયો લોન્ચ થતાની સાથે જ સફળ રહ્યું હતું.

આકાશ અંબાણી

આકાશ અંબાણી રિલાયન્સ જિયોઈન્ફોકોમ લિમિટેડની સાથે છે, જે રિલાયન્સના 4G અને રિલાયન્સના ફોકસનું નવું કેન્દ્ર છે. આકાશ આ લિમિટેડને ચલાવનારી ગવર્નિંગ યૂનિટના એગ્ઝેક્યૂટિવ કમિટીમાં પણ સામેલ છે અને કંપનીના અલગ-અલગ સેગ્મેન્ટના રોજ-બરોજના કામને જુએ છે. આકાશને બાળપણથી જ ટેક્નોલોજીમાં રસ રહ્યો છે.

શ્લોકા મહેતા

શ્લોકા મહેતા આકાશ અંબાણીની પત્ની છે. શ્લોકાએ મુંબઈમાં ધીરુભાઈ અંબાણી ઈન્ટરનેશનલ સ્કૂલમાંથી જ આકાશ સાથે સ્કૂલિગ કર્યું છે. આ પછી તેણે યુનાઈટેડ સ્ટેટના ન્યુજર્સીની Princeton યુનિવર્સિટીથી બેચલર ડિગ્રી લીધી. તેણે લંડન સ્કૂલ ઓફ ઈકોનોમિકસમાંથી પોલિટિકલ સાયન્સમાં અભ્યાસ કર્યો છે. આ સિવાય શ્લોકાની પાસે કાયદાનું પણ શિક્ષણ છે, જેમાં તેણે માસ્ટર ડિગ્રી મેળવી છે.

અનંત અંબાણી

અનંત અંબાણી આકાશ અને ઈશા કરતાં નાનો છે. તેને ધર્મ સાથે વધારે લગાવ છે. વજનને લઈને તે લાંબા સમય સુધી ચર્ચામાં રહ્યો હતો, હાલ તે રાધિકા મર્ચન્ટ સાથેના અફેરને લઈને લાઈમલાઈટમાં છે.

અનિલ અંબાણી

અનિલ અંબાણી રિલાયન્સ કેપિટલ અને રિલાયન્સ કોમ્યુનિકેશનના ચેરમેન છે. આ સિવાય રિલાયન્સ એનર્જી પણ તેમની જ કંપની છે. પહેલા તેઓ રિલાયન્સ ઈન્ડસ્ટ્રીઝ લિમિટેડના વાઈસ ચેરમેન હતા.

ટીના અંબાણી

ટીdના અંબાણી અનિલ અંબાણીના પત્ની છે. ટીના અંબાણી બોલિવુડની ઘણી ફિલ્મોમાં કામ કરી ચૂક્યા છે. હાલ તેઓ મુંબઈની કોકિલાબેન ઘીરુભાઈ અંબાણી હોસ્પિટલના ચેરપર્સન છે.

જય અનમોલ અને જય અંશુલ

જય અનમોલ અંબાણી અને જય અંશુલ અંબાણી અનિલ અંબાણી અને ટીના અંબાણીના દીકરા છે. જેઓ હંમેશા લાઈમલાઈટથી દૂર રહેવાનું પસંદ કરે છે.

from Lifestyle Tips in Gujarati, જીવનશૈલી ટીપ્સ, Daily Lifestyle Tips – Page Array – I Am Gujarat http://bit.ly/2IzjbPY