એસિડીટીમાં ઝટપટ રાહત તમને કરે છે મોટું નુકસાન
લખનૌઃ જ્યારે જ્યારે આપણે લગ્ન પ્રસંગમાં જઈએ કે ઘરે કોઈ પાર્ટી હોય ત્યારે બિંદાસ્ત થઈને મસાલેદાર ડિશ એક બાદ એક ઝાપટી જતા હોઈએ છીએ અને પછી ઘણીવાર તેના કારણે એસિડિટી જેવી સમસ્યા થાય છે. જોકે આપણી પાસે તેના ઘણા ઝટપટ ઈલાજ હોય છે. પરંતુ આ ફટાફટ રાહત આપતા ઉપાય હકીકતમાં લાંબાગાળે તમારા શરીરને ખૂબ મોટું નુકસાન કરે છે. જ્યારથી એસિડિટીની આવી પ્રોટોન પમ્પ ઇન્હિબિટર દવાઓ જેવી કે ઓમીપ્રોઝોલ અથવા પેંટોપ્રોઝોલનું ચલણ વધ્યું છે ત્યારથી મેડિકલ જગતમાં તેની આડઅસર અંગે સંશોધન કરવામાં આવે છે.
હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો
આ દવાઓ નાના આંતરાડમાં કરે છે સમસ્યા
આવી દવાના સેવનથી થતી એક સમસ્યા એટલે નાના આંતરડામાં જીવાણુંઓનું વધી જવું. જેને સ્મોલ ઇન્ટેસ્ટાઇનલ બેક્ટેરિયલ ઓવરગ્રોથ કહેવામાં આવે છે. પાચન તંત્રમાં જીવાણુ સૌથી વધુ મોટા આંતરડામાં અને પછી મોઢામાં હોય છે. આ બંનેની વચ્ચે આવતા લિવર અને નાના આંતરડામાં જીવાણું ઓછા હોય છે. આવું થવા પાછળનું કારણ છે લિવરમાં રહેલા એસિડથી મોટાભાગના જીવાણું મરી જાય છે. આ કારણે જ આપણે મોઢાથી જે ખાઈએ છીએ તે ખાદ્ય પદાર્થ સાથે રહેલા જીવાણુ લીવરને પાર કરી શકતા નથી.
પાચનતંત્રની સમસ્યાઓ વધે છે
પરંતુ આજકાલ જે એસિડિટી દૂર કરવાની દવાઓ આવે છે તેના સેવનથી લીવરમાં હાઈડ્રોક્લોરિક એસિડનું ઉત્પાદન ઓછું થઈ જાય છે. જેથી નાના આંતરડામાં જીવાણુઓની સંખ્યા વધવા લાગે છે. જેની સીધી અસર આપણા પાચન તંત્ર પર થાય છે. આવું થવાથી પેટ ફૂલવું, ઓડકાર આવવા, ગેસ થઈને પાદ આવવી, પેટમાં દુખાવો, ઝાડા અને વજન ઘટવા જેવી અનેક સમસ્યાઓ થાય છે.
જીવાણુ વધતા નથી પચતો ખોરાક
ધ્યાન રાખો કે આ લક્ષણ ફક્ત નાના આંતરડામાં જીવાણુઓ વધવાથી જ પેદા નથી થતા પરંતુ જીવાણુંઓની વધી ગયેલી સંખ્યા આ લક્ષણો પેદા કરે છે. જીવાણુંઓની વધારે સંખ્યાથી ભોજન સારી રીતે પચતું નથી અને તેમાં રહેલા ખનિજો, વિટામિન્સ શરીરમાં શોષિત થતા નથી. જે કારણે તેની ઉણપ સર્જાય છે. એન્ટિબાયોટિક અને ભોજનમાં પોષક તત્વોને વધારવા સાથે ગેસ્ટ્રોએન્ટોરોલોજિસ્ટ આ દર્દીઓની સમસ્યાનો ઉકેલ લાવે છે. પરંતુ આ જીવાણુંઓની સંખ્યાને કાયમ તેની નિશ્ચિત મર્યાદામાં રાખવા માટે રોગના મૂળ સુધી પહોંચી સારવાર કરવી પડે છે.
from Page Array – I Am Gujarat http://bit.ly/2Z6skEC
No comments:
Post a Comment