હવે આવી દેખાય છે રામાયણની ‘સીતા’, કામ ન મળતા બી ગ્રેડ ફિલ્મો કરવી પડી હતી

રામાયણની ‘સીતા’નો આજે બર્થ-ડે

દૂરદર્શનના ટીવી શો રામાયણનું દરેક પાત્ર અમર છે. ખાસ કરીને રામ અને સીતાની છબી લોકોના મનમાં વસેલી છે. આ સીરિયલમાં સીતાનું પાત્ર ભજવનારી એક્ટ્રેસ દીપિકા ચિખાલિયા 29 એપ્રિલે પોતાનો જન્મદિવસ ઉજવી રહી છે. દીપિકાનું જન્મ મુંબઈમાં થયો હતો.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

સીતાનું પાત્ર ભજવ્યા બાદ લોકો પગે લાગતા

દીપિકાએ બીબીસીને આપેલા એક ઈન્ટરવ્યૂમાં જણાવ્યું હતું કે સીતાનું પાત્ર ભજવતા સમયે તેની ઉંમર માત્ર 15 વર્ષની હતી. આ પાત્ર ભજવ્યા બાદ લોકો આવીને તેના ચરણસ્પર્શ કરતા હતા. દીપિકાએ અન્ય એક ઈન્ટરવ્યૂમાં કહ્યું હતું કે સીતાનું પાત્ર ભજવ્યા બાદ તે કપડા પણ સમજી વિચારીને પહેરતી હતી.

વડોદરાની સીટ પરથી જીતી હતી ચૂંટણી

રામાયણ સીરિયલ બાદ દીપિકાની લાઈફ બદલાઈ ગઈ હતી. આ બાદ તેને બોલિવૂડ ફિલ્મોની પણ ઓફર આવવા લાગી હતી. આટલું જ નહીં દીપિકાએ વર્ષ 1991માં બીજેપીની ટિકીટ પરથી વડોદરાની સીટ પરથી ચૂંટણી લડી અને જીતી હતી.

કામ ન મળતા બી-ગ્રેડ ફિલ્મોમાં કરી એક્ટિંગ

દીપિકાએ પોતાના કરિયરની શરૂઆત વર્ષ 1983માં આવેલી ફિલ્મ ‘સુન મેરી લૈલા’થી કરી હતી. આ ફિલ્મ બોક્સ ઓફિસ પર ખરાબ રીતે ફ્લોપ થઈ હતી. આ બાદ દીપિકાએ કોઈ બોલિવૂડ ફિલ્મ નહોતી કરી. આ કારણે તેણે બાદમાં બી ગ્રેડ ફિલ્મોમાં કામ કર્યું.

બે દીકરીની માતા છે

દીપિકા ચિખાલિયાએ બિઝનેસમેન હેમંત ટોપીવાલા સાથે લગ્ન કર્યા હતા. લગ્ન બાદ તે ફિલ્મોમાંથી દૂર થઈ ગઈ. દીપિકા ચિખાલિયાની બે દીકરીઓ છે. દીપિકા પોતાના પતિની કંપની શ્રૃંગાર બિંદી અને ટિપ્સ એન્ડ ટોઝ નેલપૉલિશની માર્કેટિંગ હેડ છે.

25 વર્ષ બાદ ફરી ફિલ્મી પડદે કમબેક

દીપિકાએ લગભગ 25 વર્ષો બાદ ફરી એકવાર ફિલ્મી પડદા પર કમબેક કર્યું હતું. આ ફિલ્મમાં દીપિકાએ ગાલિબ (આતંકવાદી અફઝલ ગુરુનો દીકરો)ની માતાનું પાત્ર ભજવ્યું હતું. આ ફિલ્મમાં નિખિલ પિતાલેએ ગાલિબનું પાત્ર ભજવ્યું હતું.

from TV News in Gujarati, Tellywood News in Gujarati, ટેલિવિઝડ ન્યૂઝ ગુજરાતીમાં, Latest Tellywood News – Page Array – I Am Gujarat http://bit.ly/2WdrX9y