નવી દિલ્હી:ત્રિપાંખિયા જોડાણની પ્રથમ ઘટનામાં વિજયા બેન્ક અને દેના બેન્ક પહેલી એપ્રિલે સોમવારથી બેન્ક ઓફ બરોડામાં ભળી જશે અને દેશની ત્રીજા ક્રમની સૌથી મોટી બેન્ક બનશે. તેના પરિણામે સોમવારથી વિજયા બેન્ક તથા દેના બેન્કની શાખાઓ બેન્ક ઓફ બરોડાની શાખાઓ તરીકે કામગીરી કરશે.
રિઝર્વ બેન્ક ઓફ ઇન્ડિયાએ શનિવારે એક નિવેદનમાં જણાવ્યું હતું કે વિજયા બેન્ક અને દેના બેન્કના થાપણદારો સહિતના ગ્રાહકોને પહેલી એપ્રિલ 2019થી બેન્ક ઓફ બરોડાના ગ્રાહકો તરીકે ઓળખવામાં આવશે.
મર્જરની પ્રક્રિયાને સરળ બનાવવા માટે ગયા સપ્તાહે સરકારે વધારાના ખર્ચને પહોંચી વળવા તેના કેપિટલ બેઝને વધારવા બેન્ક ઓફ બરોડામાં ₹5,042 કરોડ ઉમેરવાનો નિર્ણય કર્યો હતો. જોડાણની યોજના પ્રમાણે વિજયા બેન્કના શેરધારકોને તેમની પાસેના દરેક 1,000 શેર સામે બેન્ક ઓફ બરોડાના 402 શેર્સ મળશે. દેના બેન્કના શેરધારકોને તેમની પાસેના દરેક 1,000 શેર સામે બેન્ક ઓફ બરોડાના 110 શેર્સ મળશે.
સરકારે ગયા વર્ષે સપ્ટેમ્બરમાં દેશના સર્વપ્રથમ ત્રણ બેન્કોના જોડાણની જાહેરાત કરી હતી. તેનો સંયુક્ત બિઝનેસ ₹૧૪.૮૨ લાખ કરોડનો રહેશે. તે સાથે તે સ્ટેટ બેન્ક ઓફ ઇન્ડિયા તથા આઇસીઆઇસીઆઇ બેન્ક પછીની દેશની ત્રીજા ક્રમની સૌથી મોટી બેન્ક બની રહી છે.
ઉલ્લેખનીય છે કે સુધારણાની પ્રક્રિયાના ભાગરૂપે સરકારે લાઇફ ઇન્શ્યોરન્સ કોર્પોરેશનને ગયા વર્ષના ઓગસ્ટમાં આઇડીબીઆઇ બેન્કનો ૫૧ ટકાનો મેજોરિટી હિસ્સો ટ્રાન્સફર કરવાની જાહેરાત કરી હતી.
આ ઉપરાંત, ડિપાર્ટમેન્ટ ઓફ ફાઇનાન્શિયલ સર્વિસિસે ચાલુ નાણાકીય વર્ષ દરમિયાન ₹1.06 લાખ કરોડની વિક્રમ નવી મૂડી જાહેર ક્ષેત્રની બેન્કોમાં ઉમેરી હતી. તેના પરિણામે પાંચ જાહેર ક્ષેત્રની બેન્કો, જેમાં બેન્ક ઓફ ઇન્ડિયા, કોર્પોરેશન બેન્ક અને અલ્હાબાદ બેન્ક સામેલ છે, તેઓ આ વર્ષની શરૂઆતમાં આરબીઆઇની પ્રોમ્પ્ટ કરેક્ટિવ એક્શન ફ્રેમવર્કમાંથી બહાર નીકળી ગઈ હતી.
from Page Array – I Am Gujarat https://ift.tt/2TNtCjU
No comments:
Post a Comment