IPLમાં ધોનીના નામે નોંધાયો નવો રેકોર્ડ
ચેન્નઈના કેપ્ટન મહેન્દ્ર સિંહ ધોનીની ટીમે આઈપીએલમાં સતત ત્રીજી જીત મેળવી. આ મેચમાં અડધી સદી ફટકારનારા ઘોનીએ એક શાનદાર રેકોર્ડ પોતાના નામે કર્યો. હકીકતમાં ધોનીએ ઈન્ડિયન ટી-20 લીગમાં સૌથી વધારે સિક્સર ફટકારનારો ભારતનો નંબર-1 બેટ્સમેન બની ગયો છે. રવિવારે ધોનીએ ચાર છગ્ગા સાથે લીગમાં 191 સિક્સ પૂરી કરી. આ સાથે જ તેણે સુરેશ રૈના અને રોહિત શર્માને પાછળ છોડી દીધા.
રેકોર્ડ લિસ્ટમાં ગેઈલ સૌથી આગળ
આ મામલે યુનિવર્સલ બોસ ક્રિસ ગેઈલ પહેલા ક્રમે છે. ઈન્ડિયન ટી-20 લીગની 12મી સીઝનમાં પંજાબ તરફથી રમતા ક્રિસ ગેઈલે શનિવારે 300 સિક્સ પૂરી કરી. ક્રિસ ગેઈલના નામે હવે 302 સિક્સ છે.
ડિવિલિયર્સના રેકોર્ડથી 1 સિક્સ દૂર ધોની
આઈપીએલમાં સૌથી વધારે સિક્સ મારનારા દુનિયાના બીજા બેટ્સમેનમાં ડિવિલિયર્સનું નામ છે. તેણે બેંગ્લોર તરફથી રમતા આઈપીએલમાં અત્યાર સુધી કુલ 192 સિક્સ લગાવી છે. આ પછીને ક્રમે મહેન્દ્ર સિંહ ધોનીનું નામ આવે છે.
સુરેશ રૈના સિક્સર લિસ્ટમાં ચોથા ક્રમે
ચેન્નઈના જ સુરેશ રૈનાએ પણ આઈપીએલમાં અત્યાર સુધીમાં 187 સિક્સર ફટકારી છે. તે ઈન્ડિયન ટી-20 લીગમાં સૌથી વધારે સિક્સર ફટકારવાના લિસ્ટમાં ચોથા ક્રમે આવે છે.
રોહિત શર્મા પાંચમા ક્રમે
આ પછીના ક્રમે મુંબઈના કેપ્ટન રોહિત શર્મા આવે છે. રોહિતે પોતાના આઈપીએલ કરિયરમાં અત્યાર સુધી કુલ 185 સિક્સર લગાવી છે.
from Page Array – I Am Gujarat https://ift.tt/2V5l9dC
No comments:
Post a Comment